Tuesday, July 5, 2022
Homeதமிழக சிறப்புச் செய்திகள்admk general council meeting: பொதுக்குழுவே செல்லாது: ஓபிஎஸ் தரப்பு தடாலடி! - aiadmk general...

admk general council meeting: பொதுக்குழுவே செல்லாது: ஓபிஎஸ் தரப்பு தடாலடி! – aiadmk general council meeting is not valid says ops team

அதிமுக பொதுக்குழு மற்றும் செயற்குழுக் கூட்டம் சென்னை வானகரத்தில் நீதிமன்ற உத்தரவின்படி இன்று நடைபெற்று முடிந்துள்ளது. முன்னதாக, கூட்டத்தின் போது பேசிய ஓபிஎஸ், தீர்மானங்களை முன்மொழிந்தார். தொடர்ந்து பேசிய ஈபிஎஸ், ஓபிஎஸ் முன்மொழிந்த தீர்மானங்களை வழிமொழிவதாக அறிவித்தார்.

ஆனால், பொதுக்குழுவின் அனைத்து தீர்மானங்களையும் உறுப்பினர்கள் நிராகரிப்பதாக கே.பி.முனுசாமி அறிவித்தார். அனைத்து தீர்மானங்களையும் பொதுக்குழு உறுப்பினர்கள் நிராகரித்து விட்டனர். ஒற்றைத் தலைமையோடு சேர்த்து அனைத்து தீர்மானங்களும் பின்னர் நிறைவேற்றப்படும் என அவர் அறிவித்தார்.

தொடர்ந்து, இரட்டை தலைமை வேண்டாம் என பொதுக்குழு உறுப்பினர்கள் சுமார் 2,190 பேர் கையெழுத்திட்ட கோரிக்கை மனுவை அவைத்தலைவரிடம் சிவி சண்முகம் அளித்தார். மேலும், அடுத்த பொதுக்குழுவை உடனடியாக கூட்ட வேண்டும் எனவும் அவைத் தலைவரிடம் அவர் கோரிக்கை விடுத்தார். இதையடுத்து, அதிமுகவின் அடுத்த பொதுக்குழு கூட்டம் வருகிற ஜூலை மாதம் 11ஆம் தேதி நடைபெறும் என அவைத்தலைவராக தேர்வு செய்யப்பட்ட தமிழ்மகன் உசேன் அறிவித்தார்.

ஓபிஎஸ் மீது தாக்குதல்… ஒன்றரை கோடி தொண்டர்களின் மனநிலை என்ன?
இதனிடையே, சட்டத்துக்கு புறம்பான பொதுக்குழுவை நிராகரிப்பதாக துணை ஒருங்கிணைப்பாளர் வைத்திலிங்கம் அறிவித்தார். அதனைத்தொடர்ந்து ஓபிஎஸ் மற்றும் அவரது ஆதரவாளர்கள் வெளிநடப்பு செய்தனர். இந்த நிலையில், ஓபிஎஸ் இல்லத்தில் செய்தியாளர்களை சந்தித்த வைத்திலிங்கம், “ஜனநாயக முறைப்படி பொதுக்குழு நடைபெறவில்லை. கட்டுப்பாடு இல்லாத காட்டுமிராண்டித்தனமான பொதுக்குழு நடைபெறுள்ளது. தீர்மானங்களை ரத்து செய்ய உரிமை இல்லை. தீர்மானங்கள் ரத்து செய்யப்பட்டதால் பொதுக்குழுவே செல்லாததாகி விட்டது.” என்றார்.

பொதுக்குழுவில் பங்கேற்ற சிலர் போலிக் கையெழுத்து போட்டுள்ளதாக தெரிவித்த வைத்திலிங்கம், அவைத்தலைவர் தமிழ்மகன் உசேன் தேர்வு செய்யப்பட்டது செல்லாது. அவைத் தலைவருக்கு பொதுக்குழுவை கூட்ட அதிகாரம் கிடையாது. ஒருங்கிணைப்பாளர், இணை ஒருங்கிணைப்பாளர் இணைந்து தான் அறிவிக்க வேண்டும் என்றார்.

ஒபிஎஸ் தரப்பில் எப்போதும் பேச்சுவார்த்தைக்கு தயாராக உள்ளோம். பொதுக்குழு உறுப்பினர்களுக்கு அங்கீகாரம் அளிப்பதும் தீர்மானங்களில் ஒன்று அதுவும் ரத்து செய்யப்பட்டுள்ளது. உயர் நீதிமன்ற உத்தரவை மீறியதைக் கண்டித்து, அவமதிப்பு வழக்கு தொடர உள்ளோம் என்றும் வைத்திலிங்கம் அப்போது தெரிவித்தார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments