Thursday, June 30, 2022
Homeதமிழக சிறப்புச் செய்திகள்aiadmk general body meeting ban: அதிமுக பொதுக் குழுவுக்கு தடை கோரி வழக்கு... இபிஎஸ்,...

aiadmk general body meeting ban: அதிமுக பொதுக் குழுவுக்கு தடை கோரி வழக்கு… இபிஎஸ், ஓபிஎஸ்ஸுக்கு புது தலைவலி! – madras court order eps and ops to reply the petition which seeking ban for aiadmk general body meeting


ஈரோடு மாவட்டம் பெருந்துறை ஒன்றிய அதிமுக மாணவர் அணி முன்னாள் பொருளாளரான சி.பாலகிருஷ்ணன் என்பவர் சென்னை உரிமையியல் நீதிமன்றத்தில் தாக்கல் செய்துள்ள மனுவில், ‘கடந்த ஆண்டு டிசம்பர் மாதம் நடைபெற்ற அதிமுகவின் ஒருங்கிணைப்பாளர் மற்றும் இணை ஒருங்கிணைப்பாளர் உட்கட்சி தேர்தலில் அடிப்படை உறுப்பினர்கள் போட்டியிட போதிய அவகாசம் வழங்கவில்லை என்றும், உட்கட்சி தேர்தலுக்கு முன் கட்சியின் அடிப்படை உறுப்பினர்களின் அடையாள அட்டையை புதுப்பிக்கவில்லை எனவும் கூறி, அதுதொடர்பாக கட்சியின் தலைமை அலுவலகத்திற்கு புகார் அளித்தும் எந்த நடவடிக்கையும் எடுக்கவில்லை’ எனவும் மனுவில் தெரிவித்துள்ளார்.

அதிமுக ஒருங்கிணைபாளர் மற்றும் இணை ஒருங்கிணைப்பாளர் நியமனத்தை ரத்து செய்யக் கோரி சென்னை உரிமையியல் நீதிமன்றத்தில் தொடர்ந்த வழக்கு நிலுவையில் உள்ள நிலையில், கட்சியின் பொதுக்குழு கூட்டம் ஜூன் 23 ஆம் தேதி நடைபெறும் என அறிவிக்கப்பட்டுள்ளதாக தெரிவித்துள்ளார்.

மேலும் இந்த கூட்டத்தில் அதிமுகவின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோருக்கு ஆதரவான உறுப்பினர்கள் மற்றும் நிர்வாகிகளுக்கு மட்டும் பங்கேற்க அழைப்பு விடுக்கபட்டுள்ளதால் இந்த பொதுக்குழு கூட்டத்திற்கு தடைவிதிக்கக் கோரியும், அதிமுக உட்கட்சி தேர்தல் அலுவலர்களான பொன்னையன் மற்றும் பொள்ளாச்சி ஜெயராமன் தேர்தல் விதிமுறைகளை பின்பற்றி மீண்டும் உட்கட்சி தேர்தல் நடத்தக் கோரியும், நடந்து முடிந்த உட்கட்சி தேர்தலை ரத்து செய்ய வேண்டும்; அதுவரை அதிமுக பொதுக்குழு கூட்டத்திற்கு தடை விதிக்க வேண்டும் என்றும் பாலகிருஷ்ணன் தமது மனுவில் தெரிவித்துள்ளார்.

தூது விட்ட சசிகலா.. ஓகே சொன்ன ஓபிஎஸ்.. – எடப்பாடி அன்கோ கப்சிப்!
இந்த மனு சென்னை அல்லி குளம் 23 வது உதவி உரிமையியல் நீதிமன்ற நீதிபதி தாமோதரன் முன் விசாரணைக்கு வந்தது. அப்போது அதிமுக பொதுக் குழுவிற்கு இடைக்கால தடை விதிக்க வேண்டும் என மனுதாரர் தரப்பில் ஆஜரான வழக்கறிஞர் எம்.பாலகிருஷ்ணன் வாதிட்டார்.

இதையடுத்து பொதுக்குழுவுக்கு தடை கோரிய மனுவிற்கு அதிமுக, ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிச்சாமி, அமைப்பு செயலாளர் பொன்னையன், தேர்தல் பிரிவு செயலாளர் பொள்ளாச்சி ஜெயராமன் ஆகியோர் நாளை மறுதினம் ((ஜுன் 22) பதிலளிக்க உத்தரவிட்டு, விசாரணை அன்றைக்கு ஒத்திவைத்தார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments