ambur biryani festival: பீஃப் பிரியாணிக்கு தடை… கலெக்டருக்கு வந்தது சிக்கல்! – tamil nadu sc st commission sent notice tirupattur collector over ban on beef in biryani festival plan to conduct at ambur

ஆம்பூரில் 3 நாட்களுக்கு பிரியாணி திருவிழாவை நடத்த மாவட்ட நிர்வாகம் ஏற்படு செய்திருந்தது. இன்படி, மே 13, 14, 15 ஆகிய நாட்களில் ஆம்பூர் வர்த்தக மையத்தில் பிரியாணி திருவிழா நடைபெறும் என்று தெரிவிக்கப்பட்டிருந்தது. ஆனால், இந்த பிரியாணி திருவிழாவில் மாட்டிறைச்சி பிரியாணிக்கு அனுமதி இல்லை என்று அறிவிக்கப்பட்டிருந்தது.

கோழி, முட்டை, ஆடு ஆகிய இறைச்சிக்கு மட்டுமே அனுமதி என்று மாவட்ட நிர்வாகம் அறிவித்திருந்ததால் மாட்டு இறைச்சியை பிரியாணி திருவிழாவில் சேர்க்க வேண்டுமென பல்வேறு தரப்பினரும் கோரிக்கை விடுத்திருந்தனர்.

பீஃப் பிரியாணிக்கு அனுமதி தாரததை கண்டித்துள்ள எஸ்டிபிஐ, விசிக, மமக ஆகிய கட்சிகள் ஆம்பூர் பிரியாணி திருவிழாவில் பீஃப் பிரியாணியை அனுமதிக்காவிடில் அதனை இலவசமாக தருவோம் என்று அதிரடியாக அறிவித்தன.

திராவிட மாடலில் பீஃப்புக்கு இடமில்லையா? தனியாக கடை விரிக்கும் விசிக!
இந்த நிலையில், “ஆம்பூர் பிரியாணி திருவிழாவில் மாட்டிறைச்சியை ஏன் தடை செய்தீர்கள்? இது அரசியலமைப்பிற்கு புறம்பானது” என திருப்பத்தூர் மாவட்ட ஆட்சியருக்கு தமிழ்நாடு எஸ்சி -எஸ்டி ஆணையம் விளக்கம் கேட்டு நோட்டீஸ் அனுப்பியுள்ளது.

எஸ்சி எஸ்டி ஆணையம்

தமிழ்நாடு பிற்படுத்தப்பட்டோர் நல ஆணையம்

முன்னதாக, ஆம்பூர் பிரியாணி திருவிழா தற்காலிகமாக தள்ளி வைக்கப்படுவதாக அம்மாவட்ட ஆட்சியர் அறிவித்திருந்தார். திருப்பத்தூரில் கனமழை எச்சரிக்கை விடுக்கப்பட்டுள்ளதால் ஆம்பூர் பிரியாணி திருவிழா ஒத்திவைக்கப்படுவதாக மாவட்ட ஆட்சியர் விளக்கம் அளித்திருந்தார்.

Source link

Leave a Comment

Your email address will not be published.