annamalai target 25: அண்ணாமலை இலக்கு 25… ஆடிப் போயுள்ள பாஜக நிர்வாகிகள்! – annamalai fix target to party cadres bjp should win 25 seats at tamil nadu in 2024 mp election

தமிழக பாஜகவின் மாவட்ட நிர்வாகிகளை அண்மையில் அதிரடியாக மாற்றி அமைத்துள்ளார் அக்கட்சியின் மாநிலத் தலைவர் அண்ணாமலை.

புதிய நிர்வாகிகள் நியமனத்தில் பெரும்பாலோர் அவரது ஆதரவாளர்கள், சீனியர்களுக்கு அண்ணாமலை முக்கியத்துவம் தரவில்லை என்றெல்லாம் எழுந்த விமர்சனங்களை பெரிதாக எடுத்துக் கொள்ளாமல், கட்சிக்கு புதிய ரத்தம் பாய்ச்சியுள்ளோம் என்ற எண்ணத்துடன் கட்சியின் புதிய நிர்வாகிகளுடன் அண்ணாமலை விரிவாக ஆலோசனை நடத்தியுள்ளார்..

தமிழகத்தில் காலுன்றி உள்ள பாஜகவை எப்படி அடுத்த நிலைக்கு கொண்டு செல்வது, 2024 மக்களவைத் தேர்தல் உள்ளிட்டவை குறித்து இந்த கூட்டத்தில் ஆலோசிக்கப்பட்டதாக தெரிகிறது.

அப்போது, திமுக உள்ளிட்ட கட்சிகள் தேர்தல் நேரத்தில் மட்டும்தான் மக்களிடம் செல்வதை வழக்கமாக கொண்டுள்ளன. ஆனால், பாஜக அப்படிப்பட்ட கட்சி அல்ல; கட்சியினர் அன்றாடம் மக்களை சந்தித்து அவர்களின் குறைகளை கேட்டறிந்து, அவற்றுக்கு தீர்வு காண நடவடிக்கை எடுக்க வேண்டும்.

திராவிட மாடலில் பீஃப்புக்கு இடமில்லையா? தனியாக கடை விரிக்கும் விசிக!
ஏழை, எளிய மக்களுக்கும், விவசாயிகளுக்கும் மத்திய அரசு செயல்படுத்தி வரும் திட்டங்கள் குறித்தும், மத்திய அரசின் நிதி பங்களிப்புடன் தமிழகத்தில் செயல்படுத்தப்பட்டு வரும் பல்வேறு திட்டங்கள் பற்றியும் கட்சி நிர்வாகிகள் பொதுமக்களிடம் எடுத்துரைக்க வேணடும்’ என்று அண்ணாமலை அட்வைஸ் கொடுத்துள்ளார்.

அத்துடன் பிரதமர் மோடி, நாட்டு மக்களுக்கு வானொலியில் உரையாற்றும் ‘மனதின் குரல்’ நிகழ்ச்சியில், தமிழகத்தை சேர்ந்தவர்களின் சிறப்பான சேவை குறித்து தொடர்ந்து எடுத்துரைத்து வருகிறார். இந்த நிகழ்ச்சியை தமிழக மக்கள் மத்தியில் பிரபலப்படுத்த வேண்டும் எனவும் அவர் கட்சியினரை அறிவுறுத்தி உள்ளார்.

முக்கியமாக, 2024 நாடாளுமன்ற மக்களவைத் தேர்தலை சிறப்பாக எதிர்கொள்ளும் வகையில், மாநிலத்தின் அனைத்து பகுதிகளிலும் கட்சியை பலப்படுத்தும் பணியை புதிய நிர்வாகிகள், முழுமூச்சாக மேற்கொள்ள வேண்டும்.

தமிழ்நாட்டில் பாஜகவின் திட்டம் என்ன? – திருமா என்ன சொல்றார்னு பாருங்க!
குறைந்தபட்சம் 25 அல்லது அதற்கு அதிக நபர்களை உறுப்பினர்களாக சேர்ப்பவர்களுக்கு கட்சி விதிப்படி பொறுப்பு வழங்க நடவடிக்கை எடுக்கப்படும். .ஒவ்வொரு தொண்டரும் தங்கள் பகுதியில் குறைந்தபட்சம் 25 நபர்களுடன் தொடர்பில் இருக்க வேண்டும். அவர்களுக்கு தேவையான அரசு உதவிகளை செய்து தக வேண்டும்.

எதிர்வரும் எம்பி தேர்தலில் கூட்டணி குறித்தி தேசிய தலைமை முடிவு செய்யும். அதேசமயம் தமிழகத்தில் பாஜக தனித்துப் போட்டியிட்டாலும் 25 தொகுதிகளில் வெற்றி வெறும் வகையில் இப்போதில் இருந்தே களப் பணிகளில் இறங்க வேண்டும் என்று கட்சி நிர்வாகிகளுக்கு அண்ணாமலை இலக்கு நிர்ணயித்துள்ளார்.

Source link

Leave a Comment

Your email address will not be published.