Sunday, July 3, 2022
Homeஜோதிடம்Budhan Peyarchi In Mithunam: மிதுனத்தில் புதன் பெயர்ச்சி : யார் வாழ்க்கையில் மகிழ்ச்சி பொங்கப்போகிறது...

Budhan Peyarchi In Mithunam: மிதுனத்தில் புதன் பெயர்ச்சி : யார் வாழ்க்கையில் மகிழ்ச்சி பொங்கப்போகிறது தெரியுமா?

நவகிரகங்களின் இளவரசன் அழைக்கப்படக்கூடிய புதன் பகவான், ஜூலை 2ம் தேதி ரிஷப ராசியிலிருந்து, தன் சொந்த வீடான மிதுன ராசி ஆட்சி பெற்று அமர உள்ளார். அதோடு அவர் சூரிய பகவானுடன் சேர்ந்து சஞ்சரிக்க உள்ளதால் புதாத்திய யோகம் ஏற்பட உள்ளது. ஜூலை 17ம் தேதி வரை புதன் மற்றும் சூரியன் மிதுன ராசியில் ஒன்றாக சஞ்சரிக்க உள்ளனர்.

​மேஷம்: உடன்பிறந்தவர்களுடன் உறவு மேம்படும்

மேஷ ராசிக்கு புதன் கிரக மூன்றாம் வீடான தைரிய ஸ்தானத்தில் சஞ்சரிக்கப்போகிறார். இதனால் உங்களின் தன்னம்பிக்கை அதிகரிக்கும். தொழில்நுட்பத் துறைகளில் பணிபுரிபவர்கள், பணியில் புதிய அடையாளத்தைப் பெறலாம்.

சமூக வலைத்தளங்களில் அதிக நேரம் செலவிட வாய்ப்புள்ளது. நேர விரயம் செய்யாமல் கவனமாக, பொறுப்புடன் செயல்படுவது அவசியம். சமூக வலைத்தளங்கள் மூலம் சில நல்ல செய்திகளைப் பெறவும் வாய்ப்பு உள்ளது. குடும்ப வாழ்வில் உடன்பிறந்தவர்களின் பிரச்சனைகளுக்குத் தீர்வு காண்பீர்கள் . இது உங்கள் உடன்பிறந்தவர்களுடனான உறவை மேம்படுத்தும்.

​ரிஷபம்: திருமண வாழ்க்கையில் நல்ல மாற்றங்கள் வரும்

ராசிக்கு இரண்டாம் வீடான தன ஸ்தானம், குடும்ப ஸ்தானத்தில் புதனின் சஞ்சாரம் நடப்பதால் தொழில், வியாபாரம் தொடர்பாக உங்களின் எந்த ஒரு திட்டமும் சாதகமாக முடிவடையும். புதிய திட்டங்களில் முதலீடுகளை செய்வீர்கள். விழா, முக்கிய நிகழ்ச்சிகளில் பங்கேற்கும் வாய்ப்பு கிடைக்கும்.

சமூகத்தின் முக்கியஸ்தர்களைச் சந்திக்க வாய்ப்பு கிடைக்கும். இந்த ராசிக்காரர்கள் காதல் விஷயத்தில் சற்று எச்சரிக்கையாக இருக்க வேண்டும், வேலை காரணமாக உங்கள் காதல் துணைக்கு சரியான நேரத்தை கொடுக்க முடியாமல் போகலாம். இது உங்கள் இருவருக்கும் இடையிலான தூரத்தை அதிகரிக்கலாம். இருப்பினும், திருமண வாழ்க்கையில் நல்ல மாற்றங்களைக் காணலாம்.

​மிதுனம்: செல்வாக்கும் புகழும் அதிகரிக்கும்

மிதுன ராசி அதிபதியான புதன் பகவான் உங்கள் ராசியில் ஆட்சி பெற்று சஞ்சரிப்பது மிகவும் விசேஷமானதாகும். உங்களின் மனப் பிரச்னைகள் தீரும். மன சஞ்சலங்கள் தீர்வதற்கான வாய்ப்புகள் உண்டு.

உங்களின் செல்வாக்கு, புகழும் அதிகரிக்கும். தகவல் தொழில்நுட்பத் துறையுடன் தொடர்புடையவர்களின் சிறப்பான செயல்பாடு, வேலைகளால் உயர் அதிகாரிகளை ஈர்க்க முடியும். அலர்ஜி பிரச்சனை வரலாம் என்றால் உடல் நலத்தில் கவனமாக இருப்பது நல்லது. படிப்பவர்களுக்குச் சாதகமாக இருக்கும். உங்கள் பகுத்தறியும் திறன் அதிகரிக்கும், இதன் காரணமாக நீங்கள் கணிதம் மற்றும் அறிவியல் போன்ற பாடங்களில் சிறப்பாக செயல்பட முடியும்.

​சிம்மம்: தொழிலில் நல்ல மாற்றங்கள் ஏற்படும்

புதன் பகவானின் நண்பரான சூரியனுடன் புதன் சஞ்சரிப்பதும், இரண்டு கிரகமும் 11ம் வீடான லாப ஸ்தானத்தில் சஞ்சரிப்பதால் இந்த நேரத்தில் உங்களின் பண பலம் அதிகரிக்கும். தொழிலில் நல்ல மாற்றங்கள் உண்டாகும். குடும்ப உறுப்பினர்களின் ஆதரவு கிடைக்கும். மூத்த சகோதரர்கள் மூலம் நல்ல பலன் பெறுவீர்கள். அவர்களுடன் நேரத்தைச் செலவிடுவீர்கள்.

சமூகப் பணிகளில் ஆர்வம் கொண்டிருப்பீர்கள். மக்களின் பார்வையில் உங்கள் மதிப்பு மேம்படும்.

யாருக்கு திருமண வாழ்க்கை சற்று கடினமானதாக இருக்கும்? – எளிய ஜோதிட விளக்கம்

​கன்னி: வருமானம் உயரும் வாய்ப்பு

கன்னி ராசி அதிபதியான புதன் கர்ம ஸ்தானமான 10ம் வீட்டில் சஞ்சாரம் செய்வதால், உங்களுக்கு விருப்பமான, ஆக்கப்பூர்வமான வேலைகளை செய்து வெற்றி பெறுவீர்கள். ஆராய்ச்சி தொடர்பான விஷயங்களில் ஈடுபட்டுள்ளவர்களுக்கு வெற்றி கிடைக்கும்.

உத்தியோகஸ்தர்களுக்குச் சம்பள உயர்வும், வேலை தேடும் இளைஞர்களுக்கு நல்ல செய்தி கிடைக்கும். சிலர் வேலை தொடர்பாக ஒரு பயணத்தை மேற்கொள்ள வேண்டியிருக்கும், மேலும் பெரும்பாலான பயணங்கள் உங்களுக்கு மங்களகரமானதாக இருக்கும்.

பணிபுரிபவர்கள் தங்கள் வீட்டிற்கு அருகில் இடமாற்றம் செய்ய விரும்புவோரின் விருப்பமும் நிறைவேறும். ஆரோக்கியத்தில் சற்று கவனமாக இருந்தாலும், வேலையில் அதிக மன அழுத்தத்தை எடுத்துக் கொள்வது உங்களை மனரீதியாகப் பலவீனப்படுத்தும். எனவே வேலைகளுக்கு இடையில் உங்களுக்காக நேரம் ஒதுக்குங்கள்.

செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்

​கும்பம்: நல்ல செய்திகள் கிடைக்க வாய்ப்பு

கும்ப ராசிக்கு 5ம் வீடான பூர்வ, புண்ணிய ஸ்தானத்தில் புதனின் சஞ்சாரம் நிகழ்வதால் திருமணம், குழந்தைப் பேறு போன்ற விஷயங்களில் நல்ல செய்தி கிடைக்கும். உங்கள் செயல்களுக்கு மற்றவர்களின் ஆதரவு சிறப்பாக இருக்கும்.

கல்வித் துறையில் சாதனைகளைப் படைப்பீர்கள். போட்டித் தேர்வில் பங்கேற்றால் வெற்றி கிடைக்க நல்வாய்ப்புள்ளது. சில காரணங்களால் காதல் வாழ்க்கையில் பிரச்சனைகள் இருந்திருந்தால், அது நீங்கி நல்லுறவு ஏற்படும். பிள்ளைகள் மூலம் நல்ல செய்திகள் கிடைக்க வாய்ப்பு உள்ளது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments