Wednesday, July 6, 2022
Homeதமிழக சிறப்புச் செய்திகள்chennai hospital: தேசிய முதியோர் நல மருத்துவமனை: அமைச்சர் வெளியிட்ட அறிவிப்பு! - minister ma...

chennai hospital: தேசிய முதியோர் நல மருத்துவமனை: அமைச்சர் வெளியிட்ட அறிவிப்பு! – minister ma subramanian inspects guindy kings corona hospital in chennai

கிண்டியில் உள்ள கிங்ஸ் மருத்துவமனையில் கட்டடம் சேதமடைந்துள்ளது குறித்து மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் ஆய்வு செய்தார். ஆய்வின்போது செயலாளர் ராதாகிருஷ்ணன் உள்ளிட்டோர் உடனிருந்தனர்.

அதனை தொடர்ந்து சென்னை கிண்டி கத்திப்பாரா சாலையில் புதிதாக கட்டப்பட்ட அங்கன்வாடி மையத்தை அமைச்சர் மா.சுப்பிரமணியன் திறந்து வைத்தார். இந்நிகழ்வில் சென்னை மேயர் பிரியா உள்ளிட்டோர் உடனிருந்தனர்.

பின்னர் செய்தியாளர்களை சந்தித்த மா. சுப்பிரமணியன், “கிண்டி கிங் இன்ஸ்டிடியூட் வளாகத்தில் 151 கோடியே 17 லட்சத்தில் தேசிய முதியோர் நல மருத்துவர் வளாகம் கட்டப்பட்டது. கொரோனா அதிகரித்த காரணத்தினால் இது 800 படுக்கை உடன் கூடிய சிறப்பு மருத்துவமனையாக மாற்றப்பட்டது.
Omicron BA.4 தமிழ்நாட்டில் பிஏ 4 வகை பாதிப்பு: ஊரடங்கு அறிவிப்பு வெளியாகுமா?
தற்போது கொரோனா குறைந்ததால் மீண்டும் அதை தேசிய முதியோர் நல மருத்துவமனை மையமாக மாற்றப்படும் என அறிவித்தோம். ஆனால் தற்போது ஆய்வு செய்தபோது கையால் தொட்டாலே காரை உதிரும் அளவிற்கு கட்டடம் சேதமடைந்துள்ளது.

இதுதொடர்பாக பொதுப்பணித் துறையை அணுகி கட்டிடத்தின் தரத்தை 15 நாட்களுக்குள் ஆய்வு செய்து அறிக்கையாக சமர்ப்பிக்க கூறியிருக்கிறேன்.

மூன்று நாட்களில் இந்த கட்டடத்தின் மாதிரிகள் சேகரிக்கப்படவுள்ளது. 10 நாட்களுக்குள் மையத்தை திறக்கலாம் என நினைத்தோம் ஆனால் தற்போது கட்டிடத்தின் உறுதித்தன்மை சோதனை செய்த பிறகுதான் திறக்கப்படும் என உறுதியளித்தார்.

மேலும், சென்னை கிண்டி கிங்ஸ் கொரோனா மருத்துவமனை கட்டடம் கட்டி முடித்து 3 ஆண்டுகளே ஆன நிலையில் எப்படி சேதமடைந்துள்ளது என்ற சந்தேகம் எழுந்துள்ளது. கட்டடம் கட்டுவதில் முறைகேடுகள் நடைபெற்று இருந்தால் முதலமைச்சருடன் ஆலோசித்து நடவடிக்கை எடுக்கப்படும் என தெரிவித்தார்.

ஆய்வின் போது ஏதாவது முறைகேடு நடந்து இருந்தால் முதலமைச்சர் மூலம் அவர்கள் மீது நடவடிக்கை எடுக்கப்படும்.
ரேஷன் அட்டை தாரர்களுக்கு வரும் சர்ப்ரைஸ்: அமைச்சர் அறிவிப்பு!
மேலும், ஆயிரம் மருத்துவ பணி இடங்களுக்கு பணி மாறுதல் செய்யப்பட உள்ளது. இதற்கான கலந்தாய்வு வரும் செவ்வாய், புதன், வியாழன் ஆகிய மூன்று நாட்கள் நடைபெற்ற பிறகு வெள்ளிக்கிழமை பணி மாறுதல் செய்யப்பட உள்ளது. முதல் முறையாக ஒரே நேரத்தில் ஆயிரம் பணியிடங்களை நிரப்புவதற்கு இதுவே முதல் முறை என கூறினார்.

நாவலூரில் ஒரு குடும்பத்தில் உள்ள இரண்டு பேருக்கு தொற்று ஏற்பட்டு இருந்தது. அதில் ஒருவருக்கு ஓமைக்கிரான் BA4 என்ற புதிய வகை தொற்று இருப்பது கண்டறியப்பட்டுள்ளது. அவர்கள் தற்போது நலமுடன் இருக்கிறார்கள். அவர்களுடைய தொடர்பில் இருந்தவர்களை சோதனை செய்ததில் யாருக்கும் எந்தத் தொற்றும் இல்லை எ தெரிய வந்துள்ளது. மேலும் பாதிக்கப்பட்ட இருவரும் குணம் அடைந்து வருகின்றனர்.

மேலும் வரும் 12 தேதி 1 லட்சம் இடங்களில் மெகா தடுப்பூசி முகாம் நடைபெற உள்ளது.

உக்ரைனில் இருந்து வந்த மருத்துவ மாணவர்கள் கல்வியை தொடருவது தொடர்பாக மத்திய அரசு தான் முடிவெடுக்க வேண்டும். மாநில அரசு தன்னிச்சையாக செயல்பட முடியாது” என தெரிவித்தார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments