Wednesday, June 29, 2022
Homeஜோதிடம்guru sukra conjunction: குரு சுக்கிரன் இணைவு : பகை கிரகங்கள் சேர்ந்து தரும் பலன்...

guru sukra conjunction: குரு சுக்கிரன் இணைவு : பகை கிரகங்கள் சேர்ந்து தரும் பலன் எப்படி இருக்கும் தெரியுமா?

Venus Jupiter Conjunction : ஜோதிடத்தில் முழு சுபர், தேவ குரு, பிரகஸ்பதி என அழைக்கப்படும் குரு பகவான் ஏப்ரல் 13ம் தேதி அதிசார பெயர்ச்சியாகக் கும்பத்திலிருந்து சொந்த ராசியான மீன ராசிக்கு பெயர்ச்சி ஆனார்.

அசுர குரு சுக்ராசாரியார் என்றழைக்கப்படுபவர் சுக்கிரன். இவர்கள் இருவரும் எதிரிகள். நவகிரகங்கள் வரிசையில் சுப கிரகங்களாக இருவரும் இருந்தாலும், இருவரும் பகை கிரகங்கள். ஒன்றுக்கொன்று சேராது. இந்நிலையில் மீன ராசியில் சஞ்சரித்து வரும் குருவுடன், ஏப்ரல் 27ம் தேதி சுக்கிரன் பெயர்ச்சி ஆக உள்ளார். மே 23ம் தேதி வரை மீன ராசியில் சஞ்சரிப்பார்.

​குரு – சுக்கிரன் தரும் பலன்கள் :

குரு ஒருவருக்கு சுப காரியங்களான திருமணம், குழந்தைப் பேறு, நல்லொழுக்கம் முதலியவற்றை வழங்க வல்லவர்.

சுக்கிர பகவான் ஒருவருக்கு பொருளாதார முன்னேற்றம், வசதி, வாய்ப்பு, ஆடம்பரம், செல்வத்தை வழங்கக்கூடியவர். குரு – சுக்கிர இணைவால் எந்த ராசியினருக்கெல்லாம் அதிர்ஷ்ட பலன் கிடைக்கும். தொழில் வியாபாரத்தில் லாபம் கிடைக்கும் என்பதைப் பார்ப்போம்.

சனி அதிசார பெயர்ச்சி தேதி 2022 : யார் ஏழரை சனியால் பாதிக்கப்படுவார்கள்

​மேஷம்:

மேஷ ராசிக்கு 12ம் இடத்தில் குரு – சுக்கிரன் இணைவு காரணமாக உங்களின் செயல்பாடுகள் நற்பலன், வெற்றியைத் தருவதாக இருக்கும். வணிகத்தில் பெரியளவு உயர்வை காண்பீர்கள். பதவி உயர்வு, சம்பள உயர்வுக்கான வாய்ப்புகள் உண்டாகும். வெளிநாடு சார்ந்த வர்த்தகம், செயல்பாடுகளில் சில நல்ல சலுகைகளைப் பெறுவீர்கள். உங்கள் துணையுடனான உறவு வலுவானதாக இருக்கும்.

​ரிஷபம்

சுக்கிரனை அதிபதியாக கொண்ட ரிஷப ராசிக்கு லாப ஸ்தானமான 11ல் குரு அமர்ந்திருப்பதால் நீங்கள் எந்த ஒரு துறையில் பணிபுரிந்தாலும், உங்களின் இலக்கு, லட்சியத்தை அடைய முடியும். உங்களின் ஆசைகளை அடைய சாதகமான காலம்.

தொழில் சார்ந்த விஷயங்கள், இலக்குகளை அடைய பெரியளவில் வாய்ப்புகள் உண்டாகும்.நிதி நிலையில் நல்ல முன்னேற்றம் இருக்கும். பணியிடத்தில் நல்ல மதிப்பு, பதவி உயர்வு பெற முடியும். நீண்ட நாட்களாக நீங்கள் பாதிக்கப்பட்டிருந்த நோயிலிருந்து விடுபடுவீர்கள்.

​மிதுனம்

மிதுன ராசிக்கு சுக்கிரனின் இந்த சஞ்சாரம் நல்ல லாபத்தை தரக்கூடியதாக இருக்கும். இந்த காலகட்டத்தில் நீங்கள் செய்த முந்தைய முதலீடுகளிலிருந்து நல்ல லாபத்தைப் பெறுவீர்கள்.

வேலை தேடுபவர்களுக்கு விரும்பியது போல நல்ல வேலை வாய்ப்பும், பதவி உயர்வும், வெகுமதி, பாராட்டுகள் கிடைக்க வாய்ப்புள்ளது. இந்த இணைவு காலத்தில் நீங்கள் எந்த துறையில் பணிபுரிந்தாலும் அதில் புத்திசாலித்தனமாகச் செயல்படுவீர்கள்.

​கடகம்

கடக ராசிக்கு உங்களின் தொழில், வேலை சார்ந்த எந்த ஒரு செயலிலும் நல்ல பலனை எதிர்பார்க்கலாம். படைப்புத் திறன், அறிவும் அதிகரிக்கும். வேலை செய்பவர்களுக்குச் சம்பள உயர்வும், சிலருக்கு பதவி உயர்வும் கிடைக்க வாய்ப்புள்ளது. நிதி நிலை மேம்படும். புதிய சொத்துக்கள் வாங்குவது குறித்து யோசிப்பீர்கள். இந்த நேரத்தில் வணிகத்தில் நல்ல லாபத்தைப் பெற்றிட முடியும்.

​தனுசு ராசி

சுக்கிரன் – குருவின் சேர்க்கையினால் உங்கள் தொழில் மேன்மையும், நல்ல லாபமும் கிடைக்கும். உழைக்கும் வர்த்தினருக்கு இந்த காலகட்டத்தில் செயல்திறன் அதிகரிக்கும், நிதி நிலை அதிகரிக்க வாய்ப்புள்ளது. புதிய வாகனம்,சொத்துக்கள் வாங்குவது குறித்த சிந்தனை உண்டாகும். வாங்கும் முயற்சியில் ஈடுபட்டுள்ளவர்களுக்கு வாய்ப்புகள் சாதகமாக இருக்கும்.

​கும்ப ராசி

கும்ப ராசிக்கு இந்த சுக்கிரனின் பெயர்ச்சி பல விதத்தில் முன்னேற்றத்தைத் தரக்கூடியதாக இருக்கும். அதிர்ஷ்டம் உங்களை முழுமையாக ஆதரிக்கும். தொழில், வியாபார வளர்ச்சி காண்பீர்கள். உங்கள் இலக்குகளை அடைய தொடர்ச்சியாக முன்னேறுவீர்கள்.

தனிப்பட்ட வாழ்க்கையிலும், பணியிடத்திலும் உங்களுக்கு சாதகமான காலமாக இருக்கும். உங்கள் தந்தையுடனான உறவு மேம்படும். அவரின் ஆலோசனை திடீர் திருப்பத்தைத் தரக்கூடிய யோசனையாக இருக்கும்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments