Thursday, June 30, 2022
Homeதமிழக சிறப்புச் செய்திகள்k veeramani: தீபாவளி வாழ்த்து... எம்கேஎஸ்ஸை கேள்வி கேட்ட இபிஎஸ்ஸுக்கு வீரமணி எதிர் கேள்வி! -...

k veeramani: தீபாவளி வாழ்த்து… எம்கேஎஸ்ஸை கேள்வி கேட்ட இபிஎஸ்ஸுக்கு வீரமணி எதிர் கேள்வி! – k veeramani asks question to edappadi palanisamy over deepavali festival wishes issue

தமிழக சட்டப்பேரவை பட்ஜெட் கூட்டத்தொடரில் அறநிலையத்துறை மீதான மானியக் கோரிக்கை விவாதம் நேற்று முன்தினம் ( ஏப்ரல் 4) நடைபெற்றது.

அப்போது அதிமுக உறுப்பினர் நத்தம் விஸ்வநாதன், ‘தமிழ்நாட்டில் மதம் சார்ந்த பண்டிகைகள் தொடர்ந்து நடைபெற்று வருகின்றன. அனைத்து பண்டிகைகளுக்கும் வாழ்த்துச் சொல்லும் முதல்வர் ஸ்டாலின், தீபாவளிக்கு மட்டும் வாழ்த்து சொல்லாதது ஏன் என்பது குறித்து விளக்கம் அளிக்க வேண்டும்’ என்று வலியுறுத்தினார்.

தொடர்ந்து இதே கோரிக்கையை வலியுறுத்திய எதிர்க்கட்சித் தலைவர் எடப்பாடி பழனிசாமி ‘முதல்வர் அனைத்து மதத்தினருக்கும் பொதுவானவர். அனைத்து பண்டிகைகளுக்கும் வாழ்த்து சொல்லும் அவர் தீபாவளிக்கு மட்டும் வாழ்த்து சொல்லாதது ஏன்? என்று கேள்வி எழுப்பினார்.

இபிஎஸ்சின் கேள்விக்கு, ‘இது மதச்சார்பற்ற அரசு என்றும், அதன் காரணமாகவே தங்களது கூட்டணிக்கு மதச்சார்பற்ற கூட்டணி என பெயர் வைத்ததாகவும் பதிலளித்த முதல்வர், திமுக ஆன்மீகத்திற்கு எதிராக இருப்பது போல திட்டமிட்டு ஒரு சிலர் சித்தரிக்கின்றனர். இது திராவிட மாடல் ஆட்சி.; யாருக்கும் அடிபணிய மாட்டோம்’ எனவும் பதிலளித்தார்.

தீபாவளி வாழ்த்து சொல்லாதது ஏன்?- இபிஎஸ் கேள்வி -பூசி மழுப்பிய எம்கேஎஸ்!
இந்த நிலையில் இநத விவகாரம் குறித்து எடப்பாடி பழனிசாமிக்கு திராவிடர் கழகத் தலைவர் கி.வீரமணி எதிர் கேள்வி எழுப்பியுள்ளார். இதுதொடர்பாக அவர் வெளியிட்ட அறிக்கையில், ‘முதல்வர் ஸ்டாலின் தீபாவளிக்கு ஏன் வாழ்த்து சொல்வதில்லை என சட்டப்பேரவையில் கேள்வியெழுப்பிய எடப்பாடி பழனிசாமியை நோக்கி நாமும் ஒரு கேள்வியை முன்வைக்க விரும்புகிறோம்.

உங்கள் கட்சியின் பெயர் என்ன? அண்ணா திராவிட முன்னேற்றக் கழகம். உங்கள் கட்சியின் பெயருடன் இணைந்துள்ள அண்ணா அவர்கள் முதலமைச்சராக இருந்தபோதோ – அதற்கு முன்போ ‘தீபாவளி பண்டிகைட க்கு வாழ்த்துச் சொல்லியிருக்கிறாரா? ஏன் சொல்லவில்லை?

காரணம் திராவிடர்களை, ‘அசுரர்கள், அரக்கர்கள்’ என்று கூறி, கொன்று அழித்த கதை மட்டுமல்ல; ‘இரண்யாட்சதன் பூமியைப் பாயாகச் சுருட்டி கடலுக்குள் ஒளித்து வைத்தான். அதனை மீட்க மகாவிஷ்ணு பன்றி அவதாரம் எடுத்து, கடலுக்குள் சென்று பூமியை மீட்டார்.
இறைவனுக்கு மேலானவரா ஆதீனம்? அர்ச்சகர் பயிற்சி பெற்ற மாணவர் சங்கம் கேள்வி!
பிறகு பூமாதேவிக்கும் – பன்றி அவதார மகாவிஷ்ணுவிற்கும் பிறந்த குழந்தை நரகாசுரன். அவனை கிருஷ்ணர் கொன்றார். அந்த நாள்தான் தீபாவளி என்று பகுத்தறிவிற்கு கொஞ்சமும் பொருந்தாத, மனிதாபிமானத்திற்கும் விரோதமான கதைக்கு ‘திராவிட மாடல் ஆட்சி’ முதல்வர் வாழ்த்துச் சொல்ல வேண்டுமா?

அதிமுக நிறுவனர் எம்ஜிஆர் தனது மதம் ‘திராவிட மதம்’ என்று சொல்லி உள்ளது மறந்துவிட்டதா? இப்படியா நீங்கள் பாஜகவின் குரலாக மாறுவீர்கள்? – வெட்கமாக இல்லையா?’ என்று கி. வீரமணி கேள்வி எழுப்பியுள்ளார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments