Sunday, July 3, 2022
Homeசினிமா செய்திகள்kamal: Vikram : விக்ரம் படத்துல இவரும் நடிச்சிருக்காரா ? லிஸ்ட் போய்கிட்டே இருக்கே..!

kamal: Vikram : விக்ரம் படத்துல இவரும் நடிச்சிருக்காரா ? லிஸ்ட் போய்கிட்டே இருக்கே..!

விக்ரம்

கமலின் விக்ரம் திரைப்படம் சினிமா வட்டாரங்களில் உச்சகட்ட எதிர்பார்ப்பை ஏற்படுத்தியுள்ளது. கமல் தயாரித்து நடித்துள்ள இப்படத்தை லோகேஷ் கனகராஜ் இயக்கியுள்ளார். மாநகரம் படத்தின் மூலம் இயக்குனராக அறிமுகமான லோகேஷ் அதன் பின் கைதி, மாஸ்டர் என வெற்றிப்படங்களை கொடுத்து முன்னணி இயக்குனராக வலம் வர துவங்கினார். எனவே மாஸ்டர் படத்தை தொடர்ந்து இவருக்கு கமலை இயக்கும் வாய்ப்பு கிடைத்தது. அடிப்படையில் தீவிர கமல் ரசிகரான லோகேஷ் தனக்கு கிடைத்த வாய்ப்பை முழுமையாக பயன்படுத்தியுள்ளார் என்றே தகவல்கள் வந்துள்ளது. தற்போது இப்படம் ஜூன் 3 ஆம் தேதி வெளியாகவுள்ளது குறிப்பிடத்தக்கது

பாடல்கள்

அனிருத் இசையமைத்துள்ள இப்படத்திலிருந்து சில நாட்களுக்கு முன்பு பத்தல பத்தல பாடல் வெளியானது. கமல் எழுதி பாடியிருக்கும் இப்பாடல் ரசிகர்களின் அமோக வரவேற்பை பெற்றது. மேலும் கமல் இப்பாடலில் படு லோக்கலாக நடனமாடியுள்ளது அனைவரையும் கவர்ந்துள்ளது. இருப்பினும் இப்பாடல் சில சர்ச்சைகளிலும் சிக்கியுள்ளது. இப்பாடலில் ஒரு இடத்தில ஒன்றியத்தின் தப்பால ஒன்னியும் இல்ல இப்பால என்று ஒரு வரி இடம்பெற்றிருக்கும். இதனை வைத்து இப்பாடலில் மத்திய அரசை கமல் விமர்சித்து பாடியிருக்கிறார் என்று விமர்சனம் எழுந்தது.. ஆனால் அதையும் தாண்டி இப்பாடல் செம ஹிட்டடித்துள்ளது குறிப்பிடத்தக்கது .

ட்ரைலர்

சமீபத்தில் விக்ரம் படத்தின் இசை வெளியீட்டு மற்றும் ட்ரைலர் வெளியீட்டு விழா நடைபெற்றது. அந்த விழாவில் நடிகர்கள் சிலம்பரசன், உதயநிதி இயக்குனர், பா.ரஞ்சித் ஆகியோரும் கலந்துகொண்டனர். மொத்தம் விக்ரம் படத்தில் ஐந்து பாடல்கள் இடம்பெற்றிருந்த நிலையில் இப்படத்தின் ட்ரைலரும் அன்று வெளியானது. செம மாஸாக லோகேஷின் ஸ்டைலில் உருவான விக்ரம் படத்தின் ட்ரைலர் ரசிகர்களின் அமோகவரவேற்பை பெற்றது. மேலும் இந்த ட்ரைலரில் கமலுடன் விஜய் சேதுபதி மற்றும் ஃபஹத் ஃபாசில் ஆகியோரும் மிரட்டிருப்பதால் எதிர்பார்த்து இரட்டிப்பாகியுள்ளது.

சூர்யா

சில நாட்களாகவே விக்ரம் படத்தில் சூர்யா கெஸ்ட் ரோலில் நடிப்பதாக தகவல்கள் வந்தன. மேலும் கமலும் சூர்யாவும் இருக்கும் வீடியோ ஒன்றும் இணையத்தில் வெளியானது. இதையெல்லாம் வைத்து பார்க்கையில் சூர்யா இப்படத்தில் நடிக்கின்றார் என்பதை உறுதிசெய்தார்கள் ரசிகர்கள். ஆனால் படக்குழுவிடமிருந்து எந்த ஒரு அதிகாரபூர்வ அறிவிப்பும் வெளியாகவில்லை. இந்நிலையில் சமீபத்தில் நடந்த விக்ரம் படத்தின் இசை வெளியீட்டு விழாவில் இயக்குனர் லோகேஷ் கனகராஜும் , கமலும் சூர்யா நடிப்பதை உறுதி செய்தனர். மேலும் லோகேஷ் கனகராஜ் சூர்யா இப்படத்தில் நடிப்பதை சஸ்பென்சாக வைக்க விரும்பியதாகவும், ஆனால் அந்த விஷயம் இணையத்தில் கசிந்து விட்டதாகவும் தெரிவித்தார்.

லோகேஷ் கேமியோ

இந்நிலையில் தற்போது வந்த தகவல் என்னவென்றால் விக்ரம் படத்தில் இயக்குனர் லோகேஷ் கங்காராஜும் ஒரு சிறிய கதாபாத்திரத்தில் நடித்துள்ளதாக பேசப்பட்டு வருகின்றது. மாநகரம், கைதி ஆகிய படங்களை இயக்கிய லோகேஷ் கனகராஜ் விஜய்யின் மாஸ்டர் படத்தை இயக்கியது மட்டுமல்லாமல் அப்படத்தில் ஒரு கேமியோ செய்திருப்பார். எனவே லோகேஷ் தீவிர கமலின் ரசிகர் என்பதால் அவருடன் நடிக்க வேண்டும் என்ற ஆசையில் இப்படத்தில் கேமியோ கதாபாத்திரத்தில் லோகேஷ் நடித்திருப்பதாக தகவல்கள் வந்துள்ளது குறிப்பிடத்தக்கது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments