Sunday, July 3, 2022
Homeஜோதிடம்Lunar Eclipse Bad Effects: சந்திர கிரகணம் 2022: பிளட் மூன்- மோசமாக பாதிக்கப்பட உள்ள...

Lunar Eclipse Bad Effects: சந்திர கிரகணம் 2022: பிளட் மூன்- மோசமாக பாதிக்கப்பட உள்ள ராசிகள்

சூரியனுக்கும் சந்திரனுக்கும் இடையே ஒரே நேர்கோட்டில் பூமி வரும் போது, சூரிய ஒளி சந்திரன் மீது விழாமல் புவி மறைப்பதால் ஏற்படக்கூடியது சந்திர கிரகணம்.

கிரக பெயர்ச்சிகளும், கிரகணங்களும் ஒரு இயற்கையான நிகழ்வு என்றாலும், ஆன்மிக, ஜோதிட ரீதியாக முக்கிய நிகழ்வாக பார்க்கப்படுகிறது. 12 ராசிகளுக்கு இந்த சந்திர கிரகணத்தால் எப்படிப்பட்ட பலன் கிடைக்கும் என்பதைப் பார்ப்போம்.

இரத்த நிலா கிரகணம் நிகழும் நேரம் :

இந்த ஆண்டின் சந்திர கிரகணம் மே 16ம் தேதி திங்கட் கிழமை நடக்க உள்ளது.

மே 16ம் தேதி சந்திர கிரகணம் சர்வதேச நேரப்படி மே 16ம் தேதி அதிகாலை 1.32 மணிக்கு சந்திர கிரகணம் தொடங்கி 6.50 மணிக்கு முடிவடைகிறது. வைகாசி பெளர்ணமி நாளில் சந்திர கிரகணம் ஏற்படுகிறது.

இந்திய நேரப்படி காலை 7.02 மணிக்கு தொடங்குவதால் இந்தியாவில் இந்த கிரகணம் தெரியாது.

இந்த முழு சந்திர கிரகணம் தெற்கு/மேற்கு ஐரோப்பா, தெற்கு/மேற்கு ஆசியா, ஆப்பிரிக்கா, வட அமெரிக்காவின் பெரும்பகுதி, தென் அமெரிக்கா, பசிபிக், அட்லாண்டிக், இந்தியப் பெருங்கடலின் சில பகுதிகள், அண்டார்டிகா, நியூசிலாந்து, கிழக்கு ஐரோப்பா மற்றும் மத்திய கிழக்கு நாடுகளில் வசிக்கும் மக்கள் பெனும்பிரல் கிரகணத்தைப் பார்த்து ரசிக்க முடியும்

சந்திர கிரகணம், சூரிய கிரகணத்தின் போது செய்ய வேண்டியவை, செய்யக் கூடாதவை என்ன?

இரத்த நிலா :

இந்த சந்திர கிரகணம் நிகழும் போது, நிலா மற்றும் சுற்றியுள்ள வானம் சற்று இரத்த நிறத்தில் சிவப்பாகத் தோன்றும். அதன் காரணமாக பிளட் மூன் அதாவது இரத்த நிலா என அழைக்கப்படுகிறது.

சந்திர கிரகண ​தோஷமும், எளிய பரிகாரமும்

தோஷம் ஏற்படுமா?

பொதுவாக கிரகணம் எங்கெல்லாம் தெரிகிறதோ, அங்கு தான் கிரகண தோஷம் ஏற்படும். இந்திய நேரப்படி காலை 7.02 மணி முதல் மதியம் 12.20 மணி வரை நடப்பதால் இந்த கிரகணத்தை இந்தியாவில் பார்க்க முடியாது.

தோஷம் ஏற்படாது என்றாலும், சில ராசிகளுக்கு கெடு பலன்கள் ஏற்பட வாய்ப்புள்ளது.

கிரகணம் ஏற்படுகின்ற 7.02 மணிக்கு விசாக நட்சத்திரம் இருக்கும். அதனால் விசாக நட்சத்திரம் (பாதம் 1,2,3) உள்ள துலாம் மற்றும் விசாக நட்சத்திரம் 4ம் உள்ள பாதம் விருச்சிக ராசியினர் கவனமாக இருப்பது அவசியம்.

அதுமட்டுமல்லாமல் விசாக நட்சத்திரத்தை ஆளக்கூடிய குரு பகவானால் ஆளப்படும் மற்ற நட்சத்திரங்களான பூரட்டாதி நட்சத்திரம் (கும்பம்), தனுசு, மீன ராசியினர் சற்று கவனமாக இருக்க வேண்டியது அவசியம்.

எளிய பரிகாரம் :

கிரகணம் முடிந்ததும். மஞ்சள், உப்பு கலந்த நீரை வீடு முழுவதும் தெளிப்பது, சிறிதளவு மஞ்சள், கல் உப்பு, தர்ப்பை புல் போட நீரில் குளிப்பதால் கிரகண தோஷம் நீங்கும்.

கிரகண நேரத்தில் எந்த செயல் செய்தாலும் அதனால் பல ஆயிரம் மடங்கு பலன் கிடைக்கும் என்பதால், இறை நாமத்தை உச்சரிப்பது நல்லது.

இனி 12 ராசியினருக்கு எப்படிப்பட்ட பலன் கிடைக்கும், என்ன பாதிப்பு ஏற்படும் என்பதைப் பார்ப்போம்.

மேஷம், ரிஷபம், மிதுனம், கடக ராசிக்கான பலன்

மேஷம்

வைகாசி பெளர்ணமி நாளில் ஏற்படும் இந்த சந்திர கிரகணத்தால் மேஷ ராசிக்கு நிதி நிலை தொடர்பான விஷயங்களில் கவனமாக இருப்பது நல்லது. தொழில் தொடங்க ஏற்ற நாளாக இருக்காது. திருமண வாழ்க்கையில் மகிழ்ச்சியான தருணம் கிடைக்கும்.

ரிஷபம்

ரிஷபம் ராசியினர் சில குழப்பமான மனநிலை இருக்கும். அதனால் எந்த ஒரு விஷயத்திலும் சரியான முடிவுகளை எடுக்க முடியாமல் திணறுவார்கள். இந்த நாளில் எதிர்மறையாக சிந்திப்பதும், மன அழுத்தத்திலிருந்து விலகி இருப்பதும் அவசியம். உங்கள் மனதில் நேர்மறை எண்ணங்களைக் கொண்டு வாருங்கள்.

சந்திர கிரகணம், சூரிய கிரகணம் ஏன் ஏற்படுகிறது? – இதோ ராகு கேது புராண கதையும், அறிவியல் உண்மையும்…

மிதுனம்

மிதுன ராசிக்கு கடின உழைப்பின் பலனை நிச்சயம் பெறுவீர்கள். சிலருக்கு பரிசு, பாராட்டு கிடைக்க வாய்ப்புள்ளது. உங்கள் கோபத்தைக் கட்டுப்படுத்துவது அவசியம். முக்கிய விஷயங்களுக்காக மட்டும் பயணம் மேற்கொள்ளவும், இல்லையேல் பயணம் செய்யவோ, வாகனம் ஓட்டவோ வேண்டாம்.

கடகம்

கடக ராசிக்கு சில சங்கடமான சூழலை எதிர்கொள்ள வேண்டியது இருக்கும். தங்களின் குழந்தைகளின் ஆரோக்கியம் குறித்த கவலை ஏற்படலாம். செலவுகள் அதிகரிக்கும். வீண் விரயங்களால் சேமிப்பு கரைய வாய்ப்புள்ளது.

சிம்மம், கன்னி, துலாம், விருச்சிகம் ராசிக்கான பலன்

சிம்மம்

சிம்ம ராசிக்கு சிறப்பான நாளாக இருக்கும். நீங்கள் எந்த வேலை, தொழில் செய்தாலும் அதில் நல்ல வெற்றி கிடைக்கும். எந்த ஒரு சூழ்நிலையிலும் வாக்குவாதங்களைத் தவிர்க்க வேண்டியது அவசியம். திருமண வாழ்வில் தம்பதியினரிடையே காதல் அதிகரிக்கும்.

கன்னி ராசி

கன்னி ராசிக்கு ஒருவித பயம் மனதில் தோன்றும். தொழில் சார்ந்த சில பிரச்னைகளை சந்திக்க நேரிடும். போட்டியாளர்கள் உங்களை ஆதிக்கம் செய்ய நினைப்பார்கள். எச்சரிக்கையாக இருந்து லாபத்தை ஈட்ட முயலவும்.

ஓம் என்ற மந்திரம் பற்றி இதுவரை நீங்கள் அறிந்திராத அற்புதங்கள்… படிங்க…

துலாம்

துலாம் ராசியின் அதிக கவனத்துடன் இருக்க வேண்டியது அவசியம். உங்கள் ராசியில் உள்ள விசாக நட்சத்திரம் நடக்கும் நேரத்தில் கிரகணம் நடப்பதால் கூடுதல் கவனம் தேவை. அதீத ஆர்வத்துடன் எதிலும் ஈடுபடுவீர்கள். அதனால் சில தீங்கு விளைவிக்கும் நிகழ்வுகள் நடக்கும். குடும்பத்தில் சகோதரர்களுடனான உறவுகள் பாதிக்கப்படலாம். பேச்சு, செயலை கட்டுக்குள் வைத்திருங்கள்.

விருச்சிகம்

விருச்சிக ராசியில் இருக்கும் விசாக நட்சத்திரத்தில் கிரகணம் நடப்பதால் கூடுதல் கவனமுடன் இருப்பது அவசியம். எதிர்மறை எண்ணங்கள் திரும்பத் திரும்ப வரக்கூடும். யோசித்து செலவு செய்வது அவசியம்.

எந்த இடத்திலும் வாக்குவாதத்தில் ஈடுபட வேண்டாம். குறிப்பாக வாழ்க்கைத் துணையுடன் விவாதம் வேண்டாம்.

தனுசு, மகரம், கும்பம், மீன ராசிக்கான பலன்

தனுசு

தனுசு ராசிக்கு சிறப்பான பலன்கள் கிடைக்க வாய்ப்புள்ளது. புதிய தொழில், வேலை வாய்ப்புகள் கிடைக்கலாம். கெட்ட செயல், எண்ணங்களை ஒதுக்கி வைக்கவும். நிதி நிலைமை மேம்படும். குடும்ப உறுப்பினர்களின் ஆதரவு கிடைக்கும்.

மகரம்

மகர ராசியினர் பண விஷயத்தில் கவனமாக இருக்க வேண்டியது அவசியம். எந்த ஒரு பண பரிவர்த்தனையின் போதும் கவனம் தேவை. கொடுக்கல், வாங்கலைத் தவிர்க்கவும். சிலருக்கு வேலைப்பளுவால் தலைவலி போன்ற பிரச்னைகளை சந்திக்க வேண்டியது இருக்கும்.

செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்

கும்பம்

கும்ப ராசியினர் உடல் ஆரோக்கியத்தில் கவனமாக இருக்கவும். சில காரிய தடைகள் ஏற்பட வாய்ப்புள்ளது என்பதால், வேலையை கண்ணும் கருத்துமாக செய்து முடிப்பது அவசியம். எளிதாக வேலையை முடிக்க புதிய வழிகளை கண்டறிவது நல்லது. எல்லா வேலைகளையும் பொறுமையாக செய்யுங்கள்.

மீனம்

மீன ராசிக்கு மன உளைச்சல் ஏற்படக்கூடிய நாளாக அமையும். உங்களைப் பற்றி நீங்களே பெருமிதம் கொள்ளாதீர்கள். ஏழைகளுக்கு உதவுங்கள். வாழ்க்கையில் சமநிலையைப் பராமரிக்கவும்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments