Thursday, June 30, 2022
Homeதமிழக சிறப்புச் செய்திகள்madurai adheenam: மதுரை ஆதீனம் கிளப்பும் பிரச்சனை;மோடியிடம் பஞ்சாயத்து..திமுக ஷாக்! - madurai adheenam said...

madurai adheenam: மதுரை ஆதீனம் கிளப்பும் பிரச்சனை;மோடியிடம் பஞ்சாயத்து..திமுக ஷாக்! – madurai adheenam said that he is going to report to prime minister narendra modi that maha shivratri was not given a holiday in tamil nadu

கன்னியாகுமரி மாவட்டம் பாலப்பள்ளம் நடுப்பிடாகை, முத்து மாரியம்மன் கோவில் அஷ்டபந்தன மகா கும்பாபிஷேகம் நேற்று வெள்ளிக்கிழமை கோலாகலமாக நடைபெற்றது.

இந்த கும்பாபிஷேக நிகழ்வில் கலந்துகொண்ட மதுரை ஆதினம் 293வது குரு மகா சந்நிதானம் ஸ்ரீலஸ்ரீ ஹரிஹர ஸ்ரீ ஞானசம்பந்த தேசிக பரமாச்சாரிய சுவாமிகள் கலந்துகொண்டு பக்தர்களுக்கு ஆசியுரை வழங்கினார்.

இதன் பின்னர் மதுரை ஆதீனம் செய்தியாளர்களை சந்தித்து கூறியதாவது:

மகா சிவராத்திரிக்கு இந்தியா முழுவதும் விடுமுறை அறிவிக்கப்பட்டு இருக்கும்போது தமிழகத்தில் விடுமுறை அளிக்கப்படாதது குறித்து பிரதமர் மோடியிடம் கோரிக்கை வைக்கப்படும்.

சசிகலா பாணியில் இறங்கிய திமுக; அதிர்ச்சியில் அண்ணா அறிவாலயம்!

தமிழக அரசிடம் கேட்டாலும் பயன் இல்லை. மதுரை ஆதீனம் சங்கபரிவார் இயக்கங்களுக்கு சாமரம் வீசுவதாக நாஞ்சில் சம்பத் கூறியிருப்பதாக சொல்கிறீர்கள். நாஞ்சில் சம்பத் யாருக்கு சாமரம் வீசுகிறார். முதலில் அவர் எந்த கட்சியில் இருந்தார்? அடுத்து எங்கே போனார்? இப்போது எங்கு இருக்கிறார்?

நான் இறைவனுக்கு மட்டுமே சாமரம் வீசுவேன். தருமபுரம் ஆதீனத்தை தூக்கி செல்வதை தடை செய்தார்கள். போப் ஆண்டவரை பல்லக்கில் தூக்கி செல்வது, இஸ்லாமியர்கள் அவர்களது சமயம் சார்ந்த சடங்குகளுக்கு பல்லக்கு தூக்குவது பற்றி எல்லாம் அவர் பேசுவாரா?

ஆன்மிகமும் அரசியலும் ஒன்று தான். கோயிலில் அரசாங்கம் தானே இருக்கிறது. அரசியல்வாதிகள் தானே அறநிலையத்துறை அமைச்சர் ஆகிறார்கள். சர்ச், பள்ளிவாசல் போன்றவற்றில் அரசு தலையிடுவது இல்லை. கோயிலில் மட்டுமே தலையிடுவதால் அரசியலும், ஆன்மிகமும் ஒன்று தான்.

ஆளில்லா காருக்கு ஹை ஸ்பீடு ஃபேன்; ஆட்சியர் அலுவலகத்தில் ஓர் பேரவலம்!

நேரம் வரும்போது இந்திய பிரதமரை சந்திப்பேன். இவர்கள் ஓவராக சென்றால் பிரதமரை சந்திக்க வேண்டியது தான். எனக்கு டெலிபோனில் தொடர்ந்து மிரட்டல் விடுத்தனர்.

கோயிலுக்கு போகிறேன் என சொன்னதும், ‘ஆதீனம் இங்கு வர முடியுமா? இங்கு இருக்கும் சுவரை கூட தொட நாங்கள் விடமாட்டோம். திருப்பணியையும் செய்ய விடமாட்டோம்’ என்று கூறினர்.

அரசியல்வாதி என்ன வேண்டுமானாலும் பேசலாம். ஆனால் ஆன்மிகவாதி பேசக்கூடாதா? தருமபுரம் பட்டினப் பிரவேசத்திற்கு எதிர்ப்பு இருப்பதால் தான் ஆதரவு அதிகமாக இருக்கிறது.

கர்ப்பிணிகள் ஹேப்பி; முதல் செயலி ‘தாய் கேர்’ அறிமுகம்!

பல்லக்கு சுமக்க எதிர்ப்பு ஏற்பட்டதால் நான் உட்பட தமிழ்நாடே சுமக்க தயாராக உள்ளது. பல்லக்கு சுமக்கும் விஷயத்தில் அமைச்சர் சுமூக தீர்வு ஏற்படுத்தப்படும் என்று கூறியிருப்பது நல்லது.

மேலும் பாராட்டத்தக்கது. இதை முன்கூட்டியே செய்து இருக்க வேண்டும். ஆன்மிகத்தில் பிரச்னை என்றால் நான் தொடர்ந்து குரல் கொடுப்பேன். இவ்வாறு மதுரை ஆதீனம் கூறினார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments