Thursday, June 30, 2022
Homeதமிழக சிறப்புச் செய்திகள்MK Stalin: ஆளுநருக்கு பறக்கும் ரிப்போர்ட் - மு.க.ஸ்டாலினுக்கு பாஜக நெருக்கடி! - tn bjp...

MK Stalin: ஆளுநருக்கு பறக்கும் ரிப்போர்ட் – மு.க.ஸ்டாலினுக்கு பாஜக நெருக்கடி! – tn bjp president annamalai says we will take raja annamalai puram house demolished issue to attention to governor

சென்னை ராஜா அண்ணாமலை புரம் குடியிருப்பு விவகாரத்தில் முதலமைச்சர் மு.க.ஸ்டாலின் நியாயமாக நடந்து கொள்ளவில்லை என தமிழக பாஜக தலைவர் அண்ணாமலை குற்றம் சாட்டி உள்ளார்.

சென்னை ஆர்.ஏ.புரம் கோவிந்த சாமி நகர் இளங்கோ தெரு பகுதியில் பக்கிம்காம் கால்வாய் நீர்நிலையை ஆக்கிரமித்து, கட்டப்பட்டுள்ள வீடுகளை பொதுப்பணித் துறை அதிகாரிகள், வருவாய்த் துறை அதிகாரிகள் மற்றும் போலீசார் இணைந்து அகற்றினர். இதற்கு எதிர்ப்பு தெரிவித்து தீக்குளித்த கண்ணையன் என்ற முதியவர் உயிரிழந்தார். அவரது குடும்பத்தினரை சந்தித்து தமிழக பாஜக தலைவர் அண்ணாமலை நேரில் சந்தித்து இன்று ஆறுதல் கூறினார்.

இதன் பின்னர், செய்தியாளர்களிடம் பாஜக மாநிலத் தலைவர் கே.அண்ணாமலை கூறியதாவது:
ஒவ்வொரு மக்களுக்கும் பாஜக துணை நிற்கும். பாதிக்கப்பட்ட மக்களை கவர்னரிடம் அழைத்து சென்று, தீர்வு காண முயற்சி செய்வோம். முதலமைச்சர் மு.க.ஸ்டாலின் நியாயமாக நடக்கவில்லை என மக்கள் குற்றம் சாட்டுகின்றனர்.
நேற்று டெல்லி; இன்று பஞ்சாப்.. தொடரும் தீ விபத்து சம்பவங்கள்!
சென்னை ஆர்.ஏ.புரத்தில் வீடுகளை அவசர அவசரமாக வீடுகளை அகற்றி உள்ளனர். தமிழகத்தில் தமிழ் மக்கள் அகதிகளாக உள்ளனர். திராவிட மாடல், தாழ்த்தப்பட்ட மக்கள் வீட்டிற்கு சென்று சாப்பிடுவேன் என முதலமைச்சர் மு.க.ஸ்டாலின் கூறுகிறார். இங்கு அவர்கள் தான் வசிக்கின்றனர். அவர்கள் வீட்டிற்கும் சென்றிருக்க வேண்டும். அவர்களுடன் பேசியிருக்க வேண்டும்.

நீர்நிலைகளில் கட்டப்பட்டிருக்கும் அடுக்குமாடி குடியிருப்புகளை ஏன் கேள்வி கேட்பது இல்லை? கார்ப்பரேட், ரியல் எஸ்டேட் அதிபர்கள் நலனுக்காக அரசு செயல்படுகிறது. சாமானிய மக்களுக்கான ஆட்சி போல் தெரியவில்லை. ஆர்.ஏ.புரம் கட்டட விவகாரத்தில் முதலமைச்சர் மு.க.ஸ்டாலின் மாபெரும் தவறு செய்துள்ளார். இங்கிருக்கும் மக்களுக்கு தூரமான இடத்தில் டோக்கன் கொடுத்துள்ளனர். ஐகோர்ட் நீதிபதி தலைமையில் விசாரணை நடத்தி தீர்வு காண வேண்டும். குடியிருப்பு விவகாரத்தில் முதலமைச்சர் மு.க.ஸ்டாலின் நியாயமாக நடந்து கொள்ளவில்லை.
இவ்வாறு அவர் கூறினார்.

ஆர்.ஏ.புரம் வீடுகள் இடிப்பு விவகாரத்தை, ஆளுநர் ஆர்.என்.ரவியிடம் எடுத்துச் சென்று முறையிட உள்ளதாக, அண்ணாமலை தெரிவித்துள்ளது, திமுக உடன்பிறப்புகளை, அதிர்ச்சி அடையச் செய்துள்ளது. இதன் மூலம் முதலமைச்சர் மு.க.ஸ்டாலினுக்கு நெருக்கடி தர பாஜக திட்டமிட்டு உள்ளதாகக் கூறப்படுகிறது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments