Saturday, June 18, 2022
Homeதமிழக சிறப்புச் செய்திகள்MK Stalin: முதல்வர் மு.க.ஸ்டாலினை கை காட்டிய திமுக எம்பி - ஆடிப்போன உடன்பிறப்புகள்! -...

MK Stalin: முதல்வர் மு.க.ஸ்டாலினை கை காட்டிய திமுக எம்பி – ஆடிப்போன உடன்பிறப்புகள்! – dmk mp senthil kumar says cm mk stalin will decide about udhayanidhi minister dream

உதயநிதி ஸ்டாலினை அமைச்சராக்குவது முதலமைச்சர் மு.க.ஸ்டாலின் கையில் தான் இருக்கிறது என, திமுக நாடாளுமன்ற உறுப்பினர் செந்தில் குமார் தெரிவித்து உள்ளார்.

2021 ஆம் ஆண்டு நடைபெற்ற சட்டப்பேரவைத் தேர்தலில், சென்னையில் உள்ள திருவல்லிக்கேணி – சேப்பாக்கம் தொகுதியில், திமுக இளைஞரணி செயலாளரும், முதலமைச்சர் மு.க.ஸ்டாலின் மகனுமான உதயநிதி ஸ்டாலின் போட்டியிட்டு வெற்றி பெற்றார். ஆட்சி அமைந்ததுமே உதயநிதி ஸ்டாலின் அமைச்சர் ஆவார் என்ற எதிர்பார்ப்பு இருந்தது. ஆனால் அது நடக்கவில்லை.

இதை அடுத்து உதயநிதி ஸ்டாலின் அமைச்சராக வேண்டும் என்று, அவரது நெருங்கிய நண்பரும், பள்ளிக் கல்வித் துறை அமைச்சருமான அன்பில் மகேஷ் பொய்யாமொழி முதல் ஆளாக குரல் கொடுத்தார். தொடர்ந்து, அனைத்து அமைச்சர்களும் உதயநிதி ஸ்டாலின் அமைச்சர் ஆக வேண்டும் என, குரல் கொடுத்து வருகின்றனர். இதற்கிடையே, உதயநிதி ஸ்டாலின் அமைச்சர் ஆவாரா அல்லது துணை முதலமைச்சர் ஆவாரா என்ற கேள்விகளும் எழுந்துள்ளன.

இந்நிலையில் இன்று, தர்மபுரி – சேலம் பிரதான சாலையில் அதியமான் கோட்டை அருகே ரயில்வே மேம்பாலம் கட்டும் பணி நடந்து வருகிறது. இந்தப் பணிகளை திமுகவைச் சேர்ந்த தர்மபுரி நாடாளுமன்ற உறுப்பினர் செந்தில் குமார் பார்வையிட்டு ஆய்வு செய்தார்.
பழைய ஓய்வூதிய திட்டம்: அரசு ஊழியர்களுக்கு ஷாக் நியூஸ் சொன்ன அமைச்சர்!
அதன் பின்னர் அவர் செய்தியாளர்களை சந்தித்தார். அப்போது அவரிடம், உதயநிதி ஸ்டாலின் அமைச்சராக பதவி ஏற்க வேண்டும் என்று திமுக அமைச்சர்கள் பலரும் கூறி வருவது பற்றி உங்களின் கருத்து என்ன? என்று செய்தியாளர்கள் கேள்வி எழுப்பினர். அதற்கு பதில் அளித்த அவர், அமைச்சர் பதவி முதலமைச்சர் பார்வையில் உள்ளது. ஆனால் என் தனிப்பட்ட விருப்பம் என்னவென்றால் உதயநிதி ஸ்டாலின் விரைவில் அமைச்சராக வேண்டும்.

ஒரு சட்டமன்ற உறுப்பினராக திருவல்லிக்கேணி – சேப்பாக்கம் தொகுதியில் உதயநிதி ஸ்டாலின் அனைத்து வசதிகளும் முன்னேற்பாடுகளும் சிறப்பாக செய்து வருகிறார். ஒரு தொகுதியிலேயே அனைவரையும் ஒருங்கிணைத்து வேலை செய்து பொது மக்களுக்கு இத்தனை சேவை செய்து வருகிறார் என்றால், அவருக்கு அமைச்சர் பதவி வழங்கினால் அனைத்து தொகுதிகளுக்கும் இதே மாதிரி சேவை செய்ய ஒரு வாய்ப்பாக இருக்கும். இது என் தனிப்பட்ட கருத்து தான். மற்றபடி அனைத்து முடிவுகளும் முதலமைச்சர் கட்டுப்பாட்டில் தான் உள்ளது என்று தெரிவித்தார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments