Thursday, June 23, 2022
Homeதமிழக சிறப்புச் செய்திகள்mk stalin congress angry: ராஜீவ் நினைவு நாளில் மேற்கொள்ளப்பட்ட அந்த ஆலோசனை... முதல்வர் மீது...

mk stalin congress angry: ராஜீவ் நினைவு நாளில் மேற்கொள்ளப்பட்ட அந்த ஆலோசனை… முதல்வர் மீது காங்கிரஸ் கோபம்?! – sources said tamil nadu congress angry on cm mk stalin over his discussion about rajiv gandhi assassination case on may 21

முன்னாள் பிரதமர் ராஜீவ் காந்தி படுகொலையில் ஆயுள் தண்டனை அனுபவித்து வந்த பேரறிவாளன், நீண்ட கால சட்டப் போராட்டத்துக்கு பின் ஒரு வழியாக அண்மையில் விடுதலையானார்.

தனது சிறப்பு அதிகாரத்தை பயன்படுத்தி உச்ச நீதிமன்றம் அவரை விடுதலை செய்ததை பல்வேறு அரசியல் கட்சித் தலைவர்களும் வரவேற்றிருந்த நிலையில், தமிழக காங்கிரஸ் மட்டும் பேரறிவாளன் விடுதலையை விமர்சித்து வருகிறது. பேரறிவாளன் விடுதலையை சிலர் கொண்டாடுவதை பார்க்கும்போது ரத்த கண்ணீர் வருகிறது’ அவர் மட்டும்தான் தமிழரா? என்று கொந்தளித்திருந்தார் காங்கிரஸ் மாநிலத் தலைவர் கே.எஸ். அழகிரி.

தன்னை சுட்ட கோட்சேவை ஒன்று செய்ய வேண்டாம் என்றுதான் காந்திஜி சொன்னார். ஆனால் சட்டம் அவரை தூக்கிலிட்டது. அதேபோன்றுதான் ராஜீவ் படுகொலையில் சம்பந்தப்பட்டவர்களை அவரது குடும்பத்தினர் வேண்டுமானால் பெருந்தன்மையுடன் மன்னித்திருக்கலாம். அதற்காக பேரறிவாளன் உள்ளி்ட்டோரை அனைவரும் மன்னிக்க வேண்டும் என்று அவசியமில்லை என்றும் ஆவேசமாக பொங்கி இருந்தார் அழகிரி.

பேரறிவாளன் விடுதலையும், கொண்டாட்டங்களும் காங்கிரஸ்காரர்களை கடுப்பேற்றி இருந்த நிலையில், பேரறிவாளன் விடுதலை ஆன அன்றே, அவரை சென்னை விமான நிலையத்தில் வைத்து முதல்வர் ஸ்டாலின் ஆரத்தழுவி வாழ்த்து தெரிவித்தது கதர் சட்டைக்காரர்களை இன்னும் காண்டாக்கியது. முதல்வரின் இந்த செயலின் எதிர்விளைவாக திமுக கூட்டணியில் இனியும் காங்கிரஸ் இருக்க வேண்டுமா என்ற கேள்வி எழுந்துள்ளது.

பாஜகவின் கண் துடைப்பு நாடகம் – கே.எஸ்.அழகிரி தாக்கு!
காங்கிரஸ்காரர்களின் இந்த கடுப்பை மேலும் கூட்டி, அவர்களை வெறுப்பேற்றும் விதத்தில் அமைந்துவிட்டது, ராஜீவ் நினைவு நாளான மே 21 ஆம் தேதி முதல்வர் ஸ்டாலின் மேற்கொண்ட மற்றொரு செயல்.

திமுக கூட்டணியில் பல ஆண்டுகளாக அங்கம் வகித்துவரும் காங்கிரஸ் கட்சியை சேர்ந்த முன்னாள் பிரதமர் ராஜீவ் காந்தியின் 31 ஆம் ஆண்டு நினைவு தினமான மே 21 ஆம் தேதியே, இந்த வழக்கில் சம்பந்தப்பட்ட முருகன், நளினி, சாந்தன், ஜெயகுமார், ரவிச்சந்திரன், ராபர்ட் பயஸ் ஆகிய ஆறு பேரின் விடுதலை குறித்து அதிகாரிகள் மற்றும் சட்ட வல்லுநர்களுடன் முதல்வர் மு.க.ஸ்டாலின் ஆலோசனை மேற்கொண்டது காங்கிரஸார் மத்தியில் புகைச்சலை ஏற்படுத்தி உள்ளது.

‘முள்ளிவாய்க்கால் படுகொலை நினைவு தினமாக அனுசரிக்கப்பட்டு வரும், ஈழத் தமிழர்கள் படுகொலை செய்யப்பட்ட மே 18 ஆம் தேதி, பேரறிவாளனை விடுதலை செய்து உச்ச நீதிமன்றம் தீர்ப்பளிக்கிறது. இது எதேச்சையாக நடைபெற்றது என்று சொன்னாலும், அடுத்து மே 21 ஆம் தேதி, ராஜீவ் நினைவு நாளில் அவரது படுகொலையில் சம்பந்தப்பட்ட நளினி, முருகன் உள்ளிட்ட மேலும் ஆறு பேரை விடுதலை செய்வது குறித்து முதல்வர் ஆலோசனை நடத்துகிறார். இது ஏதோ முன்கூட்டியே தீர்மானித்தது போல் உள்ளது.

மத்திய அரசை லெப்ட் ரைட் வாங்கிய முதல்வர் மு.க.ஸ்டாலின்!
ஒரு ராஜ்ய சபா சீட்டை கொடுத்து விட்டோம். அதனால் எவ்வளவு அடித்தாலும் திமுக கூட்டணியை விட்டு காங்கிரஸ் விலகாது என்ற எண்ணம் திமுகவுக்கு இருக்கிறதா என கேட்க தோன்றுகிறது என்று தமிழ்நாடு சத்தியமூர்த்தி பவனில் இருந்து ஆதங்க குரல்கள் எழுந்துள்ளன.

காங்கிரஸ்காரர்களின் இந்த ஆதங்க குரல், திமுக -காங்கிரஸ் கூட்டணியில் பிளவை ஏற்படுத்தும் அளவுக்கு தாக்கத்தை ஏற்படுத்துமா அல்லது தங்களது தலைவரின் படுகொலையில் சம்பந்தப்பட்ட ஒரு நபரை முதல்வர் கட்டி அணைத்தாலும், மதசார்பின்மை என்ற ஒற்றை புள்ளியில்தான் திமுகவுடன் காங்கிரஸ் கைகோர்த்துள்ளது என்று வழக்கம்போல் அக்கட்சியின் தலைவர்கள் தொடர்ந்து சமாதானம் பேசுவார்களா என்பது ராகுலும், ஸ்டாலினுக்கும்தான் வெளிச்சம்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments