mk stalin new plans: ஸ்டாலின் வெளியிட்ட சூப்பர் அறிவிப்புகள்: ஒரே ஓவரில் ஐந்து சிக்ஸர்கள்! – chiefminister mk stalin has announced five new plans for school students education and people health

திமுக ஆட்சிக்கு வந்து ஓராண்டு நிறைவடைந்து இரண்டாம் ஆண்டு தொடங்கும் நிலையில் சட்டப்பேரவையில் முதல்வர் மு.க.ஸ்டாலின் ஐந்து புதிய அறிவிப்புகளை வெளியிட்டுள்ளார்.

*காலை சிற்றுண்டி

அரசுப் பள்ளி மாணவர்களுக்கு காலை நேரத்தில் சிற்றுண்டி வழங்கப்படும். முதற்கட்டமாக சில மாநகராட்சி, நகராட்சிப் பகுதிகளிலும் கிராமப்புற பகுதிகளிலும் இந்த திட்டம் செயல்படுத்தப்படும். 1 முதல் 5ஆம் வகுப்பு வரை உள்ள மாணவர்களுக்கு சத்தான உணவுகள் வழங்கப்படும்.
*ஊட்டச்சத்து திட்டம்

ஊட்டச்சத்து குறைபாடு இல்லாத தமிழகத்தை உருவாக்கும் நோக்கத்தோடு புதிய திட்டம் செயல்படுத்தப்பட உள்ளது. ஆட்சிக்கு வந்த பின்னர் அரசு எடுத்த புள்ளி விவரத்தில் அதிர்ச்சிகரமான தகவல் ஒன்று கிடைத்துள்ளது. ஆறு வயது வரை உள்ள குழந்தைகள் வயதுக்கேற்ற உயரமோ, எடையோ இல்லாமல் பலவீனமாக இருக்கிறார்கள். உடல் ஆரோக்கியமாக இல்லாவிட்டால் அவர்களது எதிர்காலம் கேள்விக்குறியாகிவிடும். எனவே ஆறு வயதுக்குட்பட்ட குழந்தைகளை பரிசோதித்து அவர்களுக்கு மருத்துவ உதவி தேவைப்படுபவர்களுக்கு மருத்துவ உதவியும், ஊட்டசத்து தேவைப்படுபவர்களுக்கு ஊட்டச்சத்தும் கிடைக்க வழி செய்யப்படும்.
தேர்தல் வாக்குறுதிகள்: ஸ்டாலின் பின்பற்றும் கலைஞர் பாணி!*தகைசால் பள்ளிகள்

தமிழ்நாடு முழுவதும் தகைசால் பள்ளிகள் உருவாக்கப்படும். முதற்கட்டமாக 150 கோடி ரூபாய் மதிப்பீட்டில் 25 மாநகராட்சி மற்றும் அரசு மேல்நிலைப் பள்ளிகள் தகைசால் பள்ளிகளாக தரம் உயர்த்தப்படும். இப்பள்ளிகளின் அடிப்படை கட்டமைப்பு மேம்படுத்தப்படும். புதிய கட்டிடங்கள் கட்டப்படும். கலை, இலக்கியம், செய்முறை அறிவியல், இசை, நடனம், விளையாட்டு, கைவினை செயல்பாடுகள் என அனைத்து வசதிகளை உள்ளடக்கிய கட்டமைப்பு உருவாக்கப்படும். படிப்புடன் சேர்ந்து தனித்திறன்கள் வளர்த்தெடுக்கப்படும். அனைத்து மாவட்டங்களிலும் இந்தவகை பள்ளிகள் விரிவுபடுத்தப்படும்.

*நகர்ப்புற மருத்துவமனைகள்

கிராமங்களில் அரசு ஆரம்ப சுகாதார நிலையங்கள், துணை சுகாதார நிலையங்கள் இருக்கின்றன. நகர்ப்புறங்களில் அரசு பொதுமருத்துவமனைகள் மட்டும் இருப்பதால் அங்கு மக்கள் கூட்டம் அதிகரித்து வருகிறது. எனவே நகர்ப்புறங்களில் மக்களின் இருப்பிடங்களுக்கு அருகிலேயே நகர்ப்புற மருத்துவமனைகள் உருவாக்கப்படும். 21 மாநகராட்சிகள், 63 நகராட்சிகளில் 708 நகர்ப்புற மருத்துவனைகள் உருவாக்கப்படும். 180 கோடியே 45 லட்சம் ரூபாய் செலவில் அவற்றுக்கு சொந்த கட்டிடங்கள் கட்டப்படும். காலை 8 மணி முதல் 11 மணி வரையிலும், மாலை 4 முதல் இரவு 8 மணி வரையிலும் இந்த மருத்துவமனைகள் செயல்படுத்தப்படும். இந்த மருத்துவமனைகளில் ஒரு மருத்துவர், ஒரு செவிலியர், ஒரு மருந்தாளுநர், ஒரு உதவியாளர் இருப்பார்கள்.
எம்பி. எம்எல்ஏ, உள்ளாட்சி… தேர்தல் வெற்றி நாயகனாக வலம் வரும் ஸ்டாலின்!
*உங்கள் தொகுதியில் முதலமைச்சர்

உங்கள் தொகுதியில் முதலமைச்சர் திட்டம் 234 தொகுதிகளிலும் அமலுக்கு வர உள்ளது. ஒவ்வொரு சட்டமன்ற உறுப்பினரும் மாவட்ட ஆட்சியர், அதிகாரிகளுடன் இணைந்து மக்களின் தேவைகளை நிறைவேற்றுவார்கள், அடுத்தடுத்த நிதி ஆண்டுகளில் அதை நிறைவேற்ற முன்னுரிமைக்கேற்ப நிதி ஒதுக்கப்படும். மக்களின் தேவைகளை அறிந்து ஒவ்வொரு சட்டமன்ற உறுப்பினரும் பத்து திட்டங்கள் குறித்த பட்டியலை அளிக்க வேண்டும். அந்த பட்டியலில் இருக்கிற முக்கியமான திட்டங்கள் அடையாளம் காணப்பட்டு, அதை நிறைவேற்ற உள்ளோம். இதற்காக 1000 கோடி ரூபாய் ஒதுக்கப்படும். இது நேரடியாக எனது கட்டுப்பாட்டில் நடைபெறும்” என்று தெரிவித்துள்ளார்.

Source link

Leave a Comment

Your email address will not be published.