Thursday, June 30, 2022
Homeதமிழக சிறப்புச் செய்திகள்perarivalan release: முதல்வர் ஏன் குற்றவாளியை கட்டிப்பிடிக்கிறார்? கொதித்தெழும் பாதிக்கப்பட்ட பெண்! - anushya a...

perarivalan release: முதல்வர் ஏன் குற்றவாளியை கட்டிப்பிடிக்கிறார்? கொதித்தெழும் பாதிக்கப்பட்ட பெண்! – anushya a former police officer who was the victim of a bomb blast when rajiv gandhi was killed, has been interviewed

பேரறிவாளன் விடுதலை செய்யப்பட்ட நிலையில் பல்வேறு தரப்பினரும் வரவேற்று கொண்டாடி வருகின்றனர். ஆனால் காங்கிரஸ் கட்சியினர் வாயில் துணி கட்டி போராட்டத்தில் ஈடுபட்டனர். முதலமைச்சர் மு.க.ஸ்டாலின் பேரறிவாளனை சந்தித்ததும், கட்டி அணைத்ததும் சிலரிடம் அதிருப்தியை ஏற்படுத்தியுள்ளது.

குண்டுவெடிப்பு நிகழ்வில் பாதிக்கப்பட்டவரும், முன்னாள் காவல்துறை அதிகாரியுமான அனுஷ்யா சமயம் தமிழுக்கு பிரத்யேகமாக பேட்டியளித்துள்ளார்.

அதில், “குண்டுவெடிப்பின் போது ராஜீவ் காந்தியோடு 9 காவல்துறை அதிகாரிகள், பொது மக்கள் 8 பேர் என மொத்தம் 18 பேர் உயிரிழந்தனர். அவர்களுக்கெல்லாம் குடும்பம் இல்லையா, அவர்களை பறிகொடுத்தவர்களுக்கு பாசம் இருக்காதா? அற்புதம்மாளின் தாய் பாசத்தை மட்டுமே பேசிக் கொண்டிருக்கிறார்கள்.
எஸ்.பி.வேலுமணி டெண்டர் முறைகேடு வழக்கு: உச்ச நீதிமன்றம் தீர்ப்பு!
பிரதமரை கொலை செய்தவர்களை என்னால் விடுதலை செய்ய முடியும் பார் என போட்டிபோட்டுக் கொண்டு விடுதலை செய்திருக்கிறார்கள். குற்றவாளியை விடுதலை செய்வதில் நீதிமன்றமும் அரசும் போட்டி போட்டு செயல்பட்டுள்ளது.

அற்புதம் அம்மாள் தீவிரவாதியின் தாய்; கொந்தளிக்கும் பெண் காவல் அதிகாரி!

அவர் தமிழன், நாங்க தமிழன் இல்லையா? நான் மருத்துவமனையில் அனுமதிக்கப்பட்டிருந்தேன், என் உடல் முழுவதும் பெலட்ஸ் இருந்தது. எனக்கு என்ன செலவானது என்று இந்த அரசுக்கு தெரியுமா? எனது சொந்த பணத்தில் செலவழித்தேன். அரசு எங்களுக்கு எதுவும் செய்யவில்லை. ஆனால் சி.எம் அவரை கட்டி பிடித்து வரவேற்கிறார். ஏன் அவரை முதல்வர் கட்டிபிடிக்கிறார்? அவர் என்ன சுதந்திர போராட்டத்தில் கலந்துகொண்டுவிட்டு வருகிறாரா? அவர் நிரபராதி என்று நீதிமன்றம் எந்த இடத்திலும் சொல்லவில்லை.
இன்றைய வானிலை நிலவரம் என்ன? வெளியானது அறிவிப்பு!
அவரது அம்மா முதல்வரை, ‘என்னப்பா, ரொம்ப நன்றிப்பா’ என்று கூறுகிறார். குற்றவாளிகளுடன் அரசியல்வாதிகள் தொடர்பில் இருக்கிறார்கள். நாங்கள் கை கால்களை இழந்து தவிக்கிறோம், எங்களிடம் முதல்வர் நலம் விசாரித்தாரா?

அவர்கள் குண்டுவைத்த சத்தத்தை விட ரிலீஸ் ஆனபோது இவர்கள் வெடிவைத்து கொண்டாடினார்களே அந்த சத்தம் தான் என் காதில் அதிகமாக கேட்கிறது. ” என்று கூறியுள்ளார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments