Tuesday, June 21, 2022
Homeதமிழக சிறப்புச் செய்திகள்perarivalan release: perarivalan release:பஞ்சாபிக்கு ஒரு நீதி? தமிழருக்கு ஒரு நீதியா?' -காங்கிரஸுக்கு விசிக நச்...

perarivalan release: perarivalan release:பஞ்சாபிக்கு ஒரு நீதி? தமிழருக்கு ஒரு நீதியா?’ -காங்கிரஸுக்கு விசிக நச் கேள்வி! – vck party question to congress over its criticism on perarivalan release from rajiv gandhi assassination case

முன்னாள் பிரதமர் ராஜீ்வ் காந்தி கொலை வழக்கில் ஆயுள் தண்டனை அனுபவித்து வந்த பேரறிவாளன் தம்மை முன்கூட்டியே விடுதலை செய்ய கோரி உச்ச நீதிமன்றத்தில் வழக்கு தொடர்ந்திருந்தார்.

இந்த வழக்கில் இன்று தீர்ப்பு வழங்கிய நீதிமன்றம், பேரறிவாளனை விடுதலை செய்து உத்தரவிட்டது.
இதனை வரலாற்று முக்கியத்துவம் வாய்ந்த தீர்ப்பு என பல்வேறு அரசியல் கட்சித் தலைவர்கள் வரவேற்றுள்ள நிலையில், காங்கிரஸ் கட்சி மட்டும் இத்தீர்ப்பை விமர்சித்துள்ளது.

இதுகுறித்து தமிழக காங்கிரஸ் தலைவர் கே.எஸ்.அழகிரி வெளியிட்டிருந்த அறிக்கையில், ‘முன்னாள் பிரதமர் ராஜிவ்காந்தி அவர்களை கொன்ற கொலையாளிகள் எழுவரை உச்ச நீதிமன்றம் தான் கொலையாளிகள் என்று கூறி தண்டனை கொடுத்தது. அதே உச்சநீதிமன்றம் சில சட்ட நுணுக்கங்களைச் சொல்லி பேரறிவாளனை விடுதலை செய்திருக்கிறது.

அவர்கள் நிரபராதிகள் அல்ல: தமிழ்நாடு காங்கிரஸ்!
உச்ச நீதிமன்றத்தின் தீர்ப்பை நாங்கள் விமர்சிக்க விரும்பவில்லை. அதேநேரத்தில், குற்றவாளிகள் கொலைகாரர்கள் என்பதையும், அவர்கள் நிரபராதிகள் அல்ல என்பதையும் நாங்கள் அழுத்தமாகக் கூற விரும்புகிறோம்’ என்று காட்டமாக தெரிவித்திருந்தார்.

கே.எஸ். அழகிரியின் இந்த கருத்துக்கு விடுதலை சிறுத்தைகள் கட்சியின் முக்கிய நிர்வாகிகளில் ஒருவரான வன்னியரசு தக்க பதிலடி கொடுத்துள்ளார். இதுதொடர்பாக அவர் வெளியிட்டுள்ள ட்விட்டர் பதிவில், ‘பஞ்சாப் முதல்வர் பியாண்ட் சிங் கொலை வழக்கில் காலிஸ்தான் போராளி பல்வந்த் சிங் ரஜோனா 2007லிருந்து 26ஆண்டுகளாக தூக்கு தண்டனை கைதியாக சிறையில் உள்ளார்.

ஆனால் காங்கிரஸ் மூத்த தலைவர் மணிஷ் திவாரி பல்வந்தை விடுதலை செய்ய கோருகிறார். பஞ்சாபிக்கு ஒரு நீதி? தமிழருக்கு ஒரு நீதியா?’ என்று வன்னியரசு கேள்வி எழுப்பி உள்ளார்.

கேரளாவில் மார்க்சிஸ்ட் கம்யூனிஸ்ட் கட்சியை எதிர்த்து அரசியல் செய்து கொண்டு, தமிழ்நாட்டில் அதே கட்சி அங்கம் வகிக்கும் திமுக கூட்டணியில் இடம்பெற்றிருக்கும் காங்கிரஸ், வன்னியரசின் இந்த கேள்விக்கு என்ன விளக்கம் அளிக்கும் என தெரியவி்ல்லை.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments