Wednesday, June 29, 2022
Homeதமிழக சிறப்புச் செய்திகள்pm modi chennai visit: பிரதமர் மோடி வருகை... காவிமயமான சென்னை நேரு விளையாட்டரங்கம்! -...

pm modi chennai visit: பிரதமர் மோடி வருகை… காவிமயமான சென்னை நேரு விளையாட்டரங்கம்! – chennai nehru stadium showed saffron color while prime minister narendra modi arrives there for govt function

தமிழகத்தில் மொத்தம் 31, 400 கோடி ரூபாய் மதிப்பிலான 11 திட்டங்களை தொடக்கி வைப்பதற்காக பிரதமர் நரேந்திர மோடி இன்று மாலை 5 மணி அளவில் சென்னை வந்தடைந்தார்.

ஹைதராபாத்தில் இகுந்த தனி விமானம் மூலம் சென்னை விமான நிலையம் வந்தடைந்த அவரை ஆளுநர் ஆர்.என்.ரவி, தமிழக அமைச்சர்கள் துரைமுருகன், கே.என்.நேரு, எதிர்க்கட்சி தலைவர் எடப்பாடி பழனிசாமி உள்ளிட்டோர் வரவேற்றனர்.

விமான நிலையத்தில் இருந்த ஹெலிகாப்டர் மூலம் அடையாறில் உள்ள ஐஎன்எஸ் கடற்படை தளத்துக்கு சென்றடைந்த மோடியை அங்கு முதல்வர் மு.க.ஸ்டாலின் வரவேற்றார். அங்கிருந்து சாலை மார்க்கமாக நேரு உள்விளையாட்டு அரங்கம் சென்றடைய உள்ளார். அங்கு நடைபெறும் நிகழ்ச்சியில் பல்வேறு திட்டங்களுக்கு அவர் அடிக்கல் நாட்ட உள்ளார்.

பொதுமக்களை கண்டு உற்சாகம்: அடையாறில் இருந்து நேரு விளையாட்டரங்கம் செல்லும் பயணப் பாதை முழுவதும் பிரதமர் மோடியை வரவேற்க கரகாட்டம், ஒயிலாட்டம் என நடனக் கலைஞர்களை கொண்டு அவருக்கு உற்சாக வரவேற்பு அளிக்க தமிழக பாஜக ஏற்பாடு செய்திருந்தது. வழிநெடுங்கிலும் கூடியிருந்த மக்களைபார்த்து உற்சாகமடைந்த மோடி, காரில் இருந்து எழுந்து நின்று மக்களை பார்த்து உற்சாகமாக கையசைத்து மக்களின் வாழ்த்துகளை ஏற்றார்.
ஹஜ் பயணம்- அமைச்சர் சொன்ன அசத்தல் அப்டேட்!
காவிமயமான நேரு விளையாட்டரங்கம்:
பிரதமர் மோடியின் வருகையையொட்டி, நேரு விளையாட்டரங்கில் ஆயிரக்கணக்கான பாஜக தொண்டர்கள் குவிந்திருந்தனர். அவர்களுடன் கரகாட்டம், ஒயிலாட்டம் ஆடும் நடனக் கலைஞர்களும், தாரை தம்பட்டம், செண்டை மேளம் என இசைக் கலைஞர்களும் அங்கு குழுமியிருந்தனர்.மாணவிகளின் பரதநாட்டிய நிகழ்ச்சிக்கும் ஏற்பாடு செய்யப்பட்டிருந்தது.

மோடியை உற்சாகமாக வரவேற்க நேரு விளையாட்டரங்கில் குவிந்திருந்த நூற்றுக்கணக்கான இசைக் கலைஞர்கள், நடனக் கலைஞர்களில் பெரும்பாலோர் காவி உடை அணிந்திருந்தனர். அங்கு வந்திருந்த சிறுவர்களும் காவி துண்டு, வெள்ளை வேட்டி, கழுத்தில் ருத்ராட்சம் என பக்தி மயமாக காட்சியளித்தனர்.

காமராஜருக்காக கருணாநிதி செய்த செயல் – மு.க.ஸ்டாலின் நெகிழ்ச்சி!
விழா அரங்கின் பின்புலத்திலும் சிவலிங்கம், பசு மாடு என ஹிந்து மதத்துடன் தொடர்புடையவற்றின் ஓவியங்கள் இடம்பெற்றிருந்தன. மொத்தத்தில் நேரு விளையாட்டரங்கம் காவிமயமாக காட்சி அளித்தது. பிரதமர் பங்கேற்கும் ஒரு அரசு விழா இப்படி காவிமயமாக்கப்படுவது சரியா என்ற கேள்வி எழுந்துள்ளது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments