Tuesday, July 5, 2022
Homeதமிழக சிறப்புச் செய்திகள்pm modi speech: புதிய கல்வி கொள்கை: சென்னை விழாவில் மோடி சொன்னது என்ன? -...

pm modi speech: புதிய கல்வி கொள்கை: சென்னை விழாவில் மோடி சொன்னது என்ன? – pm modi speak about new education policy in govt function at nehru stadium chennai

தமிழகத்தில் மொத்தம் 31, 400 கோடி ரூபாய் மதிப்பிலான 11 திட்டங்களுக்கு அடிக்கல் நாட்டும் விழா மற்றும் நிறைவடைந்த திட்டங்களை தொடங்கி வைக்கும் விழா, சென்னை நேரு உள்விளையாட்டு அரங்கில் இன்று நடைபெற்றது. திட்டங்களுக்கு அடிக்கல் நாட்டி வைத்து பிரதமர் மோடி பேசியது:

ஒவ்வொரு துறையிலும் தமிழகத்தை சார்ந்த யாரேனும் ஒருவர் தலைசிறந்து விளங்குகிறார்கள். சமீபத்தில் மாற்றுதிறனாளிகளுக்கான ஒலிம்பிக் போட்டியில் இந்தியா வென்ற 16 பதக்கங்களில் தமிழகத்தை சேர்ந்த 6 பேரின் பங்கு முக்கியமானது.

புத்தாண்டு மற்றும் பொங்கல் தமிழகத்தின் ஆர்வம் நிறைந்த விழாக்கள். தமிழகத்தின் வளர்ச்சியில் மேலும் ஒரு பயணமாக இன்று 31 ஆயிரம் கோடி மதிப்பீட்டிலான திட்டங்களுக்கு இன்று அடிக்கல் நாட்டப்பட்டு இருக்கிறது.

மதுரவாயல் – துறைமுகம் உயர்மட்ட சாலை திட்டத்தால் சென்னை மாநகரம் போக்குவரத்தில் மிகபெரிய அளவில் மேம்பாடு அடையும். பிரதமரின் ஆவாஸ் யோஜனா திட்டத்தின்கீழ் அனைவருக்கும் சென்னை கலங்கரை விளக்கு திட்டத்தில் 1,152 பேருக்கு வீடுகள் கிடைப்பது பெருமையாக இருக்கிறது.

திராவிட மாடல் என்றால் என்ன? -மோடி முன்னிலையில் ஸ்டாலின் கெத்து!
நாட்டின் பல்வேறு இடங்களிலும் பல்முனைய சரக்கு போக்குவரத்து பூங்கா திட்டத்தை இந்த அரசு முனைப்புடன் இருந்து வருகிறது. இந்த திட்டத்தின் மூலம் இளைஞர்களுக்கு அதிக அளவில் வேலைவாய்ப்பு உருவாகிறது.

நாட்டின் உள்கட்டமைப்பு வசதிகளை மேம்படுத்த அரசு முழு கவனம் செலுத்தி வருகிறது. சமூக கட்டமைப்புகளை மேம்டுத்துவதன் மூலம் ஏழை, எளிய மக்களின் வாழ்க்கை தரம் முன்னேற்றம் அடையும்.

ஒவ்வொரு இல்லத்திற்கும் குடிநீரை கொண்டு சேர்ப்பதற்கு உழைத்து கொண்டு இருக்கிறோம். அதிவேக இணைய சேவையை நாட்டின் ஒவ்வொரு மூலைக்கும் கொண்டு சேர்ப்பதே எங்களின் தொலை நோக்கு திட்டம்.

மோடிக்கே டஃப் கொடுத்த மொழிபெயர்ப்பாளர்; பீதியில் எச். ராஜா; மகிழ்ச்சியில் பாஜக மேலிடம்!
தமிழ் மொழியையும் ,கலாச்சாரத்தையும் மேலும் கவனப்படுத்த இந்திய அரசாங்கம் முழு அர்பணிப்புடன் இருக்கிறது. இந்த ஆண்டு ஜனவரியில் சென்னை செம்மொழி தமிழாய்வு நிறுவனத்தில் புதிய வளாகம் கட்டப்பட்டது. இதற்கு ஒன்றிய அரசே முழுமையாக பணம் கொடுத்து வருகிறது.

புதிய கல்வி கொள்கை மூலம் மாணவர்கள் அவர்களின் மொழியிலே படிக்கலாம் இதனால் தமிழ்நாட்டை சேர்ந்த இளைஞர்கள் இதனால் பயன் அடைவார்கள். யாழ்ப்பாணத்திற்கு சென்ற முதல் இந்திய பிரதமர் நான்தான். பொருளாதார நெருக்கடியில் இருந்து மீள இலங்கை மக்களுக்கு இந்தியா உறுதுணையாக இருக்கும் என்று பிரதமர் மோடி பேசினார்.

முன்னதாக, வணக்கம் என்று தமிழி்ல் பேச தொடங்கிய பிரதமர் மோடி, ‘செந்தமிழ் நாடெனும் போதினிலே’ என்ற பாரதியி்ன் பாடல் வரிகளை மேற்கோள்காட்டினார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments