rooster flag murugan: அசுரனை அருகிலேயே வைத்து அருள் புரியும் முருகன் -சேவற் கொடி, மயில் வாகனம் புராண கதை – why lord muruga holding rooster flag and has peacock vahana

தமிழ் கடவுள் என அழைக்கப்படுபவர் முருகப்பெருமான். இவருக்கு மயில் வாகனமும், கையில் சேவற் கொடியுடன் விளங்கும் இவரை, தமிழ் இலக்கியங்களில் சேவற் கொடியோன் என குறிப்பிடுகின்றன.

சேவற் கொடி, மயில் வாகனம் வந்தது எப்படி?
கந்த சஷ்டி விரதமும், முருகப் பெருமான் சூரபத்மனை சூரசம்ஹாரம் செய்தது நமக்குத் தெரியும்.

கந்த சஷ்டி விரதம் எனும் ஆறு நாள் கடும் விரதத்தின் இறுதி நாளான ஆறாம் நாளில் சூரசம்ஹாரம் எனும் சூரபத்மனை வதம் செய்யும் நிகழ்வு திருச்செந்தூரில் நடைபெறுவது வழக்கம்.
சூரனை வதம் செய்வது மட்டுமல்லாமல், எதிரியையே தன்னுடன் இருக்கும் வரத்தை வழங்கினார்.

தமிழ் கடவுள் முருகனின் பிறப்பு கதை மற்றும் கார்த்திகேயன் அசைவம் சாப்பிடக் கூடியவரா, புராணம் என்ன சொல்கிறது?

ஈரேழு லோகத்தையும் தங்கள் கட்டுப்பாட்டில் வைத்து அநீதிகளையும், துன்பங்களையும் விளைவித்து வந்தனர் மூன்று சகோதரர்களான சூரபத்மன், சிங்கமுக சூரன், தாரகாசுரன் ஆகியோர்.
இவர்களுடன் முருகப் பெருமானும், தேவசேனாபதியின் பெரும்படை கடுமையாக போரிட்டனர்.

சூரபத்மனின் தம்பியாகிய கிரவுஞ்ச மலை அதிபதியான தாரகா சூரனை சம்ஹாரம் செய்து அவன் மார்பில் அணிந்திருந்த திருமாலின் சக்ராயுதமாகிய செம்பொன் பதக்கத்தை முருகன் பெற்றார்.
சூரபத்மன் மகன் பானுகோபன் புறப்பட்டு வந்து முருக பெருமான் படையோடு போரிட்டு படுதோல்வி அடைந்து புறமுதுகு காட்டி ஓடினான்.

அடுத்து சிங்கமுக சூரன் சிங்கமென சீறிப்பாய்ந்து போர்க்களம் வந்தான். முருகப்பெருமானின் வேல், சிங்கமுக சூரனை சம்ஹாரம் செய்து, அவனும் கொல்லப்பட்டான்.

அதையடுத்து சூரபதுமனுடன் முருகப்பெருமான் போரிட்டார். தனது மாயை மூலம் போக்கு காட்டி தேவசேனைகளுக்கு போக்கு காட்டினான்.
சூரபதுமனை வதம் செய்யும் பொருட்டு முருகன் போரிட்டார். அப்போது தனது மாயையால் மாமரமாக மாறினான். இதை அறிந்த முருகப்பெருமான் தனது கூர் வேலால் மாமரத்தை இரண்டாகப் பிளந்தார்.

அசுரனை ஏற்றுக் கொண்ட முருகன்
அசுரன் சாகும் தறுவாயில், தன்னை கொல்ல வந்திருப்பது ஈசனின் புதல்வன் என உணர்ந்து, தன்னுடைய தவறை உணர்ந்து, தன்னை மன்னிக்கும் படி வேண்டினான்.
அதுமட்டுமல்லாமல் தன்னை முருகப்பெருமானுடனேயே தங்கியிருக்கும் வரத்தை தரும்படி வேண்டினான்.

செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்

நம் கந்தனோ கருணைக்கடல் என்பதால், இரண்டாகப் பிளந்த மாமரத்தின் ஒரு பாகம் மயிலாக்கி அதை தன் வாகனமாக ஏற்றுக் கொண்டார். மறுபாகம் சேவலாக்கி, அதை தனது கொடியிலும் (rooster flag) ஏற்று தன்னுடனேயே இருக்கும்படி அருள் புரிந்தார்.

இந்த நிகழ்வை குறிக்கும் வகையில் தமிழ் இலக்கியங்களில் முருகப்பெருமானைச் சேவற் கொடியோன் என்று குறிப்பிடப்படுவதோடு, அசுரனையும் போற்றி வழிபட்டு வருகின்றோம்.

Source link

Leave a Comment

Your email address will not be published.