Tuesday, July 5, 2022
Homeதமிழக சிறப்புச் செய்திகள்seeman: கண்ணீரே இல்லை... இதில் எங்கே ரத்த கண்ணீர்? -அழகிரிக்கு சீமான் பதிலடி! - ntk...

seeman: கண்ணீரே இல்லை… இதில் எங்கே ரத்த கண்ணீர்? -அழகிரிக்கு சீமான் பதிலடி! – ntk leader seeman question to tamil nadu congress president k s alagiri over perarivalan release issue

மறைந்த முன்னாள் பிரதமர் ராஜீவ் காந்தியின் 31 ஆம் ஆண்டு நினைவு நாள் ஸ்ரீபெரும்புதூரில் அமைந்துள்ள அவரது நினைவிடத்தில் நேற்று அனுசரிக்கப்பட்டது.

தமிழக காங்கிரஸ் தலைவர் கே.எஸ்.அழகிரி, தமிழக காங்கிரஸ் முன்னாள் தலைவர்கள் திருநாவுக்கரசு, தங்கபாலு, ஸ்ரீபெரும்புதூர் எம்.எல்.ஏ. செல்வபெருந்தகை உள்ளிட்ட ஏராளமானோர் ராஜீவ் காந்தி நினைவிடத்தில் மலர் தூவியும், மலர் வளையம் வைத்தும் அஞ்சலி செலுத்தினர்.

இதையடுத்து செய்தியாளரிடம் பேசிய காங்கிரஸ் தலைவர் அழகிரி கூறியதாவது: “ராஜீவ் காந்தி படுகொலை செய்யப்பட்டபோது, எங்களுடைய கண்ணீர் ஆறாய் ஓடியது. ஆனால் இன்றைக்கு எங்களுடைய கவலை அந்த கொலையாளிகளின் விடுதலையை திருவிழாவாக கொண்டாடும்போது, எங்கள் இதயத்தில் இருந்து ரத்தக் கண்ணீர் வடிகிறது. எங்களால் இதை ஏற்றுக்கொள்ள முடியவில்லை.

திமுக கூட்டணியில் இருந்து காங்கிரஸ் விலகல்? – கே.எஸ்.அழகிரி விளக்கம்!
மனிதாபிமானத்தோடு வாழ்வதுதான் மனிதத்தன்மை என்று நாங்கள் கருதுகிறோம். பழிவாங்குவது மனிதத்தன்மை அல்ல, மிருகங்களுக்கு கூட பழிவாங்கும் எண்ணம் கிடையாது. ஆனால், இதுபோல் சிலர் பழிவாங்கும் மனப்பான்மையோடு வாழ்கிறார்கள்” என்று வேதனையுடன் தெரிவித்திருந்தார்.

அழகிரியின் இந்த கருத்துக்கு நாம் தமிழர் கட்சி தலைவர் சீமான் பதிலடி கொடுத்துள்ளார். இதுதொடர்பாக அவர் வெளியிட்டுள்ள ட்விட்டர் பதிவில், “ரத்தக்கண்ணீர் வருவதாக சொல்கிறீர்களே கே.எஸ்.அழகிரி அவர்களே! உங்களுக்கெல்லாம் கண்ணீரே இல்லையே அதில் எங்கே ரத்தம் வருவது?

நீங்கள் அனுப்பிய ராணுவத்தால் எங்கள் நாடே ரத்தமாக ஓடியதே… அதற்கு என்ன சொல்வது? நடந்த தவறுக்கெல்லாம் தொடக்கம் யாரென்று தனியாக இருந்து யோசியுங்கள். உண்மை புரியும்!” என்று சீமான் தெரிவித்துள்ளார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments