Thursday, June 30, 2022
Homeதமிழக சிறப்புச் செய்திகள்sekar babu: கோயில் அர்ச்சகர்களுக்கு ஹேப்பி நியூஸ் சொன்ன அமைச்சர்! - what are the...

sekar babu: கோயில் அர்ச்சகர்களுக்கு ஹேப்பி நியூஸ் சொன்ன அமைச்சர்! – what are the new announcement by minister sekar babu in tn assembly today

தமிழக சட்டப்பேரவை பட்ஜெட் கூட்டத்தொடரில் இன்று அறநிலையத் துறை மானிய கோரிக்கை மீது விவாதம் நடைபெற்றது. அதனைதொடர்ந்து இந்த துறையில் புதிய அறிவிப்புகளை அமைச்சர் சேகர் பாபு வெளியிட்டார். அவற்றில் இடம்பெற்றுள்ள முக்கிய அம்சங்கள்:

நாள் முழுவதும் அன்னதானம் வழங்கும் திட்டம் ஏற்கனவே ஐந்து திருக்கோவில்களில் நடைபெற்று வருகிறது. இத்திட்டமானது தற்போது ராமேஸ்வரம் அருள்மிகு ராமநாதசுவாமி திருக்கோயில், திருவண்ணாமலை அருள்மிகு அருணாச்சலேஸ்வரர் திருக்கோயில் மற்றும் மதுரை அருள்மிகு மீனாட்சி சுந்தரேஸ்வரர் திருக்கோவிலில் விரிவாக்கம் செய்யப்படும். ஆகிய மூன்று திருக்கோவில்களிலும் நடைமுறைப்படுத்தப்படும். 10 திருக் கோயில்களில் அன்னதான திட்டம் புதிதாக தொடங்கப்படும்

11 திருக்கோவில்களில் 100 கோடி மதிப்பீட்டில் அன்னதானக் கூடங்கள் கட்டப்படும். பழனி அருள்மிகு தண்டாயுதபாணி சுவாமி திருக்கோவிலுக்கு தைப்பூசம் மற்றும் பங்குனி உத்திரத்திற்கு பாதயாத்திரை வரும் பக்தர்களுக்கு வழித்தடங்களில் திருக்கோவில் சார்பில் நாளொன்றுக்கு 10 ஆயிரம் நபர்களுக்கு அன்னதானம் வழங்கப்படும்.

உதயநிதி ஸ்டாலின் அமைச்சரா, துணை முதல்வரா? -குழப்பத்தில் உடன்பிறப்புகள்!
121 திருக்கோயில்களில் பராமரிக்கப்பட்டு வரும் பசு மடங்கள் ரூபாய் 20 கோடி மதிப்பீட்டில் மேம்படுத்தப்படும். அதிக அளவில் பக்தர்கள் வருகை புரியும் திருக்கோவில்களில் மருத்துவ மையங்கள் ஏற்படுத்தப்பட்டுள்ளன.

திருக்கோயில்களுக்கு தானமாக வழங்கப்படுகின்ற கால்நடைகளைப் பராமரிக்க நவீன வசதிகளுடன்கூடிய பசு மடம், திருவள்ளூர் மாவட்டம் ஆவடி வட்டம் கோயில் பதாகை அருள்மிகு சுந்தரராஜ பெருமாள் கோவிலுக்கு சொந்தமான 25 ஏக்கர் பரப்பளவு நிலத்தில் புதிதாக ஏற்படுத்தப்படும்.இதற்கென ரூபாய் 20 கோடி செலவிடப்படும்.

திருச்சி மாவட்டம் திருவரங்கம் அருள்மிகு அரங்கநாதசுவாமி திருக்கோயில் ரூபாய் 2.5 கோடி மதிப்பீட்டில் நவீன வசதிகளுடன் கூடிய புதிய பசு மடம் அமைக்கப்படும்

திருக்கோயில்களில் பராமரிக்கப்படும் யானைகளுக்கான குளியல் தொட்டிகள் திருக்கோயில்களில் அமைக்கப்பட்டுள்ளன. மேலும் எட்டு திருக்கோயில்களில் புதிதாக குளியல் தொட்டிகள் ரூபாய் ஒரு கோடி செலவில் அமைக்கப்படும்

சென்னை சைதாப்பேட்டை காரணீஸ்வரர் திருக்கோவில் உட்பட 19 கோவில்களில் பணிபுரியும் அர்ச்சகர்கள் மற்றும் பணியாளர்களுக்கு குடியிருப்புகள் மற்றும் அலுவலகக் கட்டடங்கள் 4 கோடி மதிப்பில் கட்டப்படும்.

டிஜிபி சைலேந்திர பாபு போட்ட ஆர்டர் – ஆடிப்போன அதிகாரிகள்!
திருக்கோயில்களில் அன்னை தமிழில் வழிபாடு செய்யும் அர்ச்சகர்களை ஊக்குவிக்கும் விதமாக சிறப்பு கட்டண சீட்டுகள் அறிமுகப்படுத்தப்படும். இதில் 60% அர்ச்சகருக்கு பங்குத் தொகையாக வழங்கப்படும்

மயிலாப்பூர் கபாலீஸ்வரர் கோயிலில் மகா சிவராத்திரி விழா கடந்த ஆண்டு நடத்தப்பட்டது போல் இந்த ஆண்டு 5 சிவாலயங்களில் மகா சிவராத்திரி விழா நடத்தப்படும். சென்னை மயிலாப்பூர் அருள்மிகு கபாலீஸ்வரர் திருக்கோயிலுக்கு சொந்தமான இடத்தில் 8 கோடி மதிப்பீட்டில் புதிய திருமண மண்டபம் அமைக்கப்படும்.

திருக்கோயில்களில் உள்ள இறை பணியில் ஈடுபட்டு இறைவனடி சேர்ந்த யானைகளை சிறப்பிக்கும் வகையில் முதற்கட்டமாக 10 திருக்கோயில்களில் அவற்றுக்கு நினைவு மண்டபம் அமைக்கப்படும்.

நாகப்பட்டினம் மாவட்டம் வேதாரண்யம் வட்டம் துளசியாப்பட்டினம் கிராமம் ஔவையார் விஸ்வநாத சுவாமி திருக்கோயிலில் தமிழ் மூதாட்டி ஔவையாருக்கு ஒரு கோடி செலவில் மணிமண்டபம் அமைத்து அவரது பாடல்கள் கல்வெட்டாக பதிக்கப்படும்.

ஸ்டாலினுக்கு சப்போர்ட்: அண்ணாமலை கொடுத்த உறுதி!
திருத்தணி அருள்மிகு சுப்பிரமணிய சுவாமி திருக்கோவிலுக்கு 4 கோடி மதிப்பீட்டில் புதிய வெள்ளித்தேர் உருவாக்கப்படும்.

ராமேஸ்வரம் அருள்மிகு ராமநாதசுவாமி திருக்கோயிலில் இருந்து காசி அருள்மிகு விஸ்வநாத சுவாமி திருக்கோயிலுக்கு இவ்வாண்டில் 200 நபர்கள் ஆன்மீகப் பயணம் அழைத்துச் செல்லப்படுவர். இதற்கான செலவுத்தொகை ரூபாய் 50 லட்சத்தை அரசு ஏற்கும்

தூத்துக்குடி மாவட்டம் குலசேகரன்பட்டினம் அருள்மிகு முத்தாரம்மன் திருக்கோயில் அடிப்படை வசதிகளை மேம்படுத்தும் பணிகள் ரூபாய் 10 கோடி மதிப்பீட்டில் மேற்கொள்ளப்படும் என்பன உள்ளிட்ட பல்வேறு புதிய அறிவிப்புகளை அமைச்சர் சேகர் பாபு வெளியிட்டார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments