Thursday, June 30, 2022
Homeதமிழக சிறப்புச் செய்திகள்Subramanian Swamy: அண்ணாமலை பதவிக்கு ஆபத்து - கொளுத்தி போட்ட சு.சுவாமி! - bjp senior...

Subramanian Swamy: அண்ணாமலை பதவிக்கு ஆபத்து – கொளுத்தி போட்ட சு.சுவாமி! – bjp senior leader subramanian swamy indirectly criticized tamil nadu bjp president k annamalai

தமிழக பாரதிய ஜனதா கட்சித் தலைவர் கே.அண்ணாமலையை, அக்கட்சி மூத்தத் தலைவரும், நாடாளுமன்ற உறுப்பினருமான சுப்பிரமணியன் சுவாமி மறைமுகமாக விமர்சனம் செய்துள்ளார்.

பாஜக மூத்தத் தலைவரும், நாடாளுமன்ற உறுப்பினருமான சுப்பிரமணியன் சுவாமி, பிரதமர் நரேந்திர மோடியாக இருந்தாலும் சரி, மத்திய அமைச்சர்களாக இருந்தாலும் சரி, யாரென்று பார்க்காமல் விமர்சனம் செய்து விடுவார். சொந்தக் கட்சிக்காரர் என்றெல்லாம் பார்க்காமல் அவர் விமர்சனம் செய்து விடுவார் என்பது அனைவரும் அறிந்ததே.

இந்நிலையில், தனியார் செய்தி தொலைக்காட்சி ஒன்றுக்கு, பாஜக மூத்த தலைவர் சுப்பிரமணியன் சுவாமி அளித்த பேட்டி ஒன்றில், பேரறிவாளன் விடுதலை குறித்து கேள்வி எழுப்பப்பட்டது. அதற்கு பதில் அளித்த அவர், பேரறிவாளனை உச்ச நீதிமன்றம் விடுதலை செய்தது சட்டப்படி தவறு. இந்த வழக்கில் சதி நடந்திருப்பதாக கருதுகிறேன். சட்டப்பிரிவு 142ல் விடுதலை செய்வதற்கு உச்ச நீதிமன்றத்திற்கு அதிகாரமே கிடையாது என்று கூறினார்.
பாடத்திட்டத்தில் பெரியார் நீக்கம் – மாநில அரசுக்கு வைகோ கண்டனம்!
இதைத் தொடர்ந்து அவரிடம், தமிழக பாஜகவின் செயல்பாடு குறித்து கேள்வி எழுப்பப்பட்டது. அதற்கு பதிலளித்த அவர், தமிழகத்தில் பாஜக உள்ளதா? எங்கையாவது நாளிதழில் அறிக்கை பார்த்துள்ளேன்; அவ்வளவு தான். ஏதாவது செய்துள்ளார்களா? அதை தான் கேட்கிறேன். தமிழகத்தில் பாஜக இல்லை என்பதை ஒத்துக் கொள்ள வேண்டும். இதற்கு ஒரே வழி தான் இருக்கிறது. ஜனதா கட்சியில் இருப்பவர்கள் யாருக்கு இவர்கள் அழைப்பு கொடுக்கவில்லையோ, தனியாக இருப்பவர்கள் அவர்களை ஒன்று சேர்த்து, அவர்களுக்கு தலைமை பொறுப்பு கொடுத்தால் பாஜக மேல் வளர முடியும் என்று அவர் தெரிவித்து உள்ளார்.

சுப்பிரமணியன் சுவாமியின் கருத்து மறைமுகமாக, தமிழக பாஜக தலைவர் கே.அண்ணாமலையை விமர்சிப்பது போல் உள்ளது. அவர், யாரை தமிழக பாஜக தலைவராக நியமித்தால், கட்சி வளரும் என்று சொல்கிறார் என்ற கேள்வியும் எழுந்துள்ளது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments