Sunday, July 3, 2022
Homeஜோதிடம்sukra peyarchi in mesham: Venus Transit (May 23) சுக்கிர பெயர்ச்சியால் பண மழை,...

sukra peyarchi in mesham: Venus Transit (May 23) சுக்கிர பெயர்ச்சியால் பண மழை, மகிழ்ச்சி கிடைக்கப்போகும் ராசிகள்

  • சுக்கிர பகவான், மே 23, திங்கட்கிழமை அன்று மேஷ ராசிக்கு பெயர்ச்சியாக உள்ளார். ஜூன் 18ம் தேதி வரை மேஷ ராசியில் இருப்பார்.
  • ஒருவருக்கு செல்வம், சிற்றின்பம், இல்லற சுகம், ஆடம்பரம், வசதி, வாய்ப்பு போன்ற விஷயங்களைத் தரக்கூடியவர் சுக்கிர பகவான்
  • எந்தெந்த ராசிக்காரர்களுக்கு பொருளாதார ரீதியாகவும், குடும்ப நலனாகவும் அமையப் போகிறது என்பதை தெரிந்து கொள்வோம்.

​மேஷம்

மேஷ ராசியிலேயே சுக்கிர பகவான் சஞ்சாரம் நிகழ உள்ளது இனிமையான பலனைத் தரக்கூடியதாக இருக்கும். உங்கள் திறனை மேம்படுத்துதல், தொழில், வேலையை மேம்படுத்துவதற்கான முயற்சிகளை மேற்கொள்ளலாம். அழகு சாதனப் பொருட்கள் மற்றும் ஆடைகளுக்கு பணத்தை அதிகம், செலவிட வாய்ப்புள்ளது கவனம்.

குடும்ப வாழ்க்கையில் உங்களின் பேச்சு மற்றவர்களைப் பாதிக்கப்படலாம். அதேசமயம், திருமணமானவர்கள் இந்த காலகட்டத்தில் உங்கள் வாழ்க்கைத்துணையின் அன்பும், நெருக்கத்தையும் மிகுதியாகப் பெறலாம்.

விலைமதிப்பற்ற கற்கள் மற்றும் நகைகள் தொடர்பான வியாபாரத்தில் இருப்பவர்களுக்கு சுக்கிரனின் இந்த சஞ்சாரம் சாதகமாக லாபகரமான பலனைத் தரக்கூடியதாக இருக்கும். இந்த காலகட்டத்தில் நிறைய பணம் சம்பாதிக்க வாய்ப்புகள் கிடைக்கும். புதிய வேலை கிடைக்க வாய்ப்புள்ளது.

மீனத்தில் செவ்வாய் பெயர்ச்சி : குரு, சுக்கிரனுடன் இணைவதால் எந்த ராசிக்கு தொல்லைகள் அதிகரிக்கும்

​மிதுனம்

மிதுன ராசிக்கு புதிய வாய்ப்புகளைத் தரக்கூடிய பெயர்ச்சியாக இருக்கும். உங்களுக்கு பல வழிகளிலிருந்து நன்மைகளைப் பெற வாய்ப்புகள் அமையும். வீட்டில் உள்ளவர்களுடன் இணக்கமான சூழல் இருக்கும். மூத்த சகோதரர்கள் மூலம் நன்மைகள் கிடைக்கும்.

சுக்கிரன் உங்கள் ஐந்தாம் வீட்டிற்கு அதிபதியாக இருப்பதால், புதிதாக திருமணமானவர்களின் வாழ்க்கையில் குழந்தைப் பேறு எதிர்பார்க்கலாம்.

வெளிநாடு சார்ந்த வேலை, தொழில் செய்பவர்களுக்குச் சாதகமான காலமாக இருக்கும். உங்கள் வியாபாரத்தில் வெற்றியைப் பெறலாம். நிறைய லாபம் சம்பாதிக்கலாம்.

​கடகம்

சுக்கிரன் உங்கள் ராசிக்கு 10ம் வீடான கர்ம, தொழில் ஸ்தானத்தில் சஞ்சரிக்க உள்ளார். இதனால் உங்களின் எந்த ஒரு வேலையும் சிறப்பாக நடந்தேறும். தொழில் திட்டங்களில் நல்ல வெற்றியும் கிடைக்கும்.

கலை, அழகு, நடிப்பு போன்ற வேலைகளைச் செய்பவர்கள் நிறைய நன்மைகளைப் பெறுவார்கள். தொழிலதிபர்களின் திட்டங்களும் இந்த நேரத்தில் வெற்றிகரமாக நிறைவேறும். உங்கள் நிதிநிலை மேம்படும். முதலீடு செய்வதற்கு முன் கவனமாக சிந்திக்கவும், உரிய ஆலோசனையைப் பெற வேண்டும்.

​துலாம்

துலாம் ராசி அதிபதியான சுக்கிர பகவான், ராசிக்கு 7ம் வீடான மனைவி, துணை, கூட்டாளி ஸ்தானத்தில் சஞ்சாரம் செய்ய உள்ளார். இதனால் உங்கள் திருமண வாழ்க்கையில் ஏதேனும் பிரச்சனைகள் இருந்தால், அவை நீங்கி ஒற்றுமையும், நெருக்கமும் ஏற்படும்.

திருமண முயற்சியில் இருப்பவர்களுக்கு, விரைவாக நல்ல வரன் அமைய வாய்ப்புள்ளது. பணியிடத்தில் வரும் பிரச்சனைகளை சிறப்பாக சமாளிப்பீர்கள். கூட்டுத் தொழிலில் ஈடுபடுபவர்கள் தங்கள் பங்குதாரர் மீதான நம்பிக்கையை அதிகரிக்கும், வியாபாரத்தில் முன்னேற்றத்திற்கும் வழிவகுக்கும். தொழில் ரீதியாக பல புதிய விஷயங்களை, திட்டங்களை பரிசோதிக்க விரும்புவீர்கள்.

​தனுசு

தனுசு ராசிக்கு 5ம் வீடான பூர்வ புண்ணிய ஸ்தானத்தில் சுக்கிரனின் சஞ்சாரம் காரணமாக உங்களின் குடும்ப உறவுகள் வலுப்படும். முன்னோர்களின் ஆசி கிடைக்கும். புதிய விஷயங்களைக் கற்றுக் கொள்ள ஏற்ற காலமாக இருக்கும். மாணவர்கள் படிப்பில் சிறப்பாக செயல்படுவீர்கள்.

செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்

வேலையில் உங்களின் திறமையை நிரூபிக்க வாய்ப்புகள் அமையும். எந்த ஒரு புதிய வேலையாக இருந்தாலும் அதை ஆர்வத்துடன் கற்றுக் கொள்வீர்கள். ஆர்வக்கோளாராக அவசரப்பட்டு முதலீடுகளைச் செய்ய வேண்டாம்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments