Thursday, June 30, 2022
Homeதமிழக சிறப்புச் செய்திகள்thirumavalavan: அரசியலுக்கு வர இதுதான் காரணம்... ரகசியத்தை உடைத்த திருமாவளவன்! - vck leader thirumavalavan...

thirumavalavan: அரசியலுக்கு வர இதுதான் காரணம்… ரகசியத்தை உடைத்த திருமாவளவன்! – vck leader thirumavalavan breaks secret about what is the reason he came to politics

‘மீள் சமூகங்களை உருவாக்குதல்’ எனும் தலைப்பில் சென்னை லயோலோ கல்லூரியின் சமூகப்பணி பிரிவு மாணவர்களுக்கான கருத்தரங்கு அக்கல்லூரி வளாகத்தில் நடைபெற்றது. மாணவர்களின் பறையிசை கலைநிகழ்ச்சியும் நடைபெற்றது.

பின்னர் உரையாற்றிய திருமாவளவன், “சமூகப்பணித் துறை பிற துறைகளில் இருந்து மாறுபட்ட துறை. குறிப்பாக தலைவர்களை உருவாக்குகிற துறை. நான் உங்களிடம் இருந்து எதிர்பார்ப்பது படைப்பாளிகளை விட, ஆசிரியர்களை விட, தலைவர்கள் உருவாக வேண்டும் என்பது தான்.

யார் வேண்டுமானாலும் ஒரு கட்சியை, அமைப்பை உருவாக்கலாம். ஆனால் அப்படி பிரகடனபடுத்திக் கொள்பவர்கள் தலைவர் இல்லை. தலைவர்கள் பிறரால் உருவாக்கப்படுபவர்களும் இல்லை. அன்பு, பாசம் என்ற வரையறையை தாண்டினால்தான் தலைவர்கள் உருவாவார்கள்.

எல்லாவற்றுக்கும் அடிப்படை தேவை என்பது மனிதர்களை நேசிப்பது தான். போராடுகிற துணிவு உள்ளவரை சுற்றி மக்கள் ஒன்று சேர்வார்கள். எந்த இடத்தில் உரிமைக்கான குரல் எழுகிறதோ அங்குதான் ஒருங்கிணைப்பு உருவாகிறது.

திமுக கூட்டணியால் காங்கிரசின் வளர்ச்சி பாதிப்பு… அழகிிரி ஓபன் டாக்!
எனக்கு அரசியலுக்கு வர வேண்டும் என எந்த நிபந்தனையும் இல்லை. நான் சென்னை வந்தபோது எனக்கு எந்த லட்சியமும் இல்லை. நான் கல்லூரியில் படிக்கும்போது தனியாக தான் இருப்பேன். ஈழத்தில் மக்கள் பாதிக்கப்படுவதை பார்த்து எனக்கு அந்த உணர்வு வந்தது.

மாணவர்கள் போராட்டம் அதில் கலந்து கொள்ள தூண்டியது. மனிதநேயம்தான் ஒரு தலைவனுக்கான மிகப்பெரிய தகுதி. தலைவர்களை உருவாக்குகிற துறை சமூகப்பணித்துறை தான். எனக்கு அப்போது இந்த துறை கிடைக்கவில்லையே என உங்களை பார்த்து பொறாமை படுகிறேன்.

படிப்புக்கும், மக்களிடம் போகும்போது கிடைக்கிற அனுபவமும் வேறாக இருக்கும். மக்களுக்கு அரசியல், சமூக விழிப்புணர்வு ஏற்படுத்துவது தான் உண்மையான சமூக தொண்டு.

PTR: பாஜக மீண்டும் மீண்டும் வெற்றி பெறுவது வருத்தம் அளிக்கிறது: பிடிஆர்!
சுதந்திரம், சமத்துவம், சகோதரத்துவம் என்பதுதான் பௌத்தம். இங்கு சமூக அடிப்படையில் மட்டும் பிளவு கிடையாது. சாதீய அடக்கு முறையில் பிளவு உள்ளது. இந்த பாகுபாடு கூடாது என்பதை எதிர்த்து தான் நாம் போராடி வருகிறோம்.

ஓட்டுப்போடக்கூடிய ஒவ்வொருவரும் அரசின், அரசியலின் அங்கம்தான். சோறு ஆக்கி கொடுப்பதோ, துணிமணி கொடுப்பதோ சமூக சேவை அல்ல. அரசியலமைப்பு என்பது இந்தியாவை கட்டடமைப்பது தான்” என்று திருமாவளவன் பேசினார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments