tn govt staffs: விஏஓக்களுக்கு சர்வேயர் பணி… எதிர்த்த வழக்கில் அரசு ஊழியர் சங்கத்துக்கு ஏமாற்றம் – madras high court ordered there is no rights for govt staffs association to file case in job related issues

தமிழகத்தில் நில அளவை பணிகளை கிராம நிர்வாக அலுவலர்களும் மேற்கொள்வதற்கு அனுமதி அளித்து கடந்த 2020ம் ஆண்டு தமிழ்நாடு அரசு அரசாணை பிறப்பித்தது. இந்த அரசாணையை எதிர்த்து தமிழ்நாடு நில அளவையர்கள் மத்திய சங்கம் சார்பில் சென்னை உயர்நீதிமன்றத்தில் வழக்கு தொடரப்பட்டது.

அதில், நில அளவை பணிகளை மேற்கொள்வதற்கு என நிபுணத்துவம் பெற்று அந்த பணிகளை நில அளவையர்கள் மேற்கொண்டு வருவதாகவும், எந்தவித பயிற்சியும் இன்றி கிராம நிர்வாக அலுவலர்களை நில அளவை பணியில் ஈடுபட அனுமதிப்பது சட்ட விரோதம். எனவே இந்த அரசாணையை ரத்து செய்ய வேண்டும் என தெரிவிக்கப்பட்டிருந்தது.

வழக்கில் தமிழக அரசு தரப்பில் ஆஜரான தலைமை வழக்கறிஞர், நில அளவையர் மற்றும் கிராம நிர்வாக அலுவலர் ஆகிய இரண்டு பதவிகளுக்கும் அடிப்படை கல்வி தகுதி பத்தாம் வகுப்பு தான் எனவும், மேலும் நில அளவை பணிகளை மேற்கொள்வதற்காக கிராம நிர்வாக அலுவலர்களுக்கு பயிற்சியும் அரசு அளித்துள்ளதாகவும் தெரிவித்தார்.

நூறு நாள் வேலைத் திட்டத்தில் பனை, முருங்கை மரம் நட கோரிக்கை!
மேலும், சர்வே எண்களின் உட்பிரிவுடன் பட்டா வழங்கக் கோரி ஆன்லைனில் விண்ணப்பித்து 6 லட்சத்து 40 ஆயிரம் மனுக்கள் நிலுவையில் இருப்பதால், அந்த பணிகளை விரைந்து முடிக்கும் வகையில் தான் கிராம நிர்வாக அலுவலர்களும் நில அளவை பணிகளை மேற்கொள்ள அனுமதி அளிக்கப்பட்டுள்ளது. அரசின் உத்தரவை எதிர்த்து சங்கம் சார்பில் வழக்கு தாக்கல் செய்வதற்கு உரிமையில்லை எனவும் தெரிவித்தார்.

அனைத்து தரப்பு வாதங்களையும் கேட்ட நீதிபதி கிருஷ்ணகுமார் பிறப்பித்துள்ள உத்தரவில், நில அளவை பணி என்பது அரசின் பணி தொடர்பான விவகாரம். எனவே பணி தொடர்பான விவகாரத்தில் அரசின் உத்தரவுகளை எதிர்த்து சம்பந்தப்பட்ட ஊழியர் வழக்கு தொடரலாமே தவிர, அவர்கள் சார்ந்த சங்கத்தின் சார்பில் வழக்கு தொடர அடிப்படை உரிமை இல்லை.

சில்லறை வணிகத்தில் அந்நிய முதலீட்டை தடுக்க திருமாவளவன் அசத்தல் யோசனை!
எனவே நில அளவை பணிகளில் கிராம நிர்வாக அலுவலர் மேற்கொள்ள அனுமதித்த அரசாணையை எதிர்த்து தொடர்ந்த மனு தள்ளுபடி செய்யப்படுகிறது என்று உத்தரவிட்டார்.

Source link

Leave a Comment

Your email address will not be published.