Thursday, June 30, 2022
Homeதமிழக சிறப்புச் செய்திகள்v. k. sasikala aiadmk: புது குண்டு வீசிய சசிகலா; அதிமுகவில் திடீர் குழப்பம்! -...

v. k. sasikala aiadmk: புது குண்டு வீசிய சசிகலா; அதிமுகவில் திடீர் குழப்பம்! – v. k. sasikala said that she was sure to join the aiadmk

முன்னாள் முதல்வர் ஜெயலலிதா தோழி சசிகலா ஆன்மிக சுற்றுலா மேற்கொண்டு வருகிறார். இந்நிலையில் இன்று சிவகங்கை மாவட்டத்தில் உள்ள பல்வேறு ஆன்மிக தலங்களுக்கு சென்று சசிகலா வழிபாடு நடத்தினார்.

அதன் ஒரு பகுதியாக சிவகங்கை அரண்மனையில் உள்ள ராஜராஜேஸ்வரி அம்மன் திருக்கோவிலில் சாமி தரிசனம் செய்தார். முன்னதாக சசிகலாவிற்கு வீர பேரரசி வேலுநாச்சியார் வாரிச்சான ராணி மதுராந்தகி நாச்சியார் வரவேற்பு அளித்தார்.

அதன் பின்னர் சிவகங்கை பையூர் பகுதியில் அரசு சார்பில் அமைக்கப்பட்டுள்ள வீர பேரரசி வேலுநாச்சியார் நினைவிடம் வந்து அவரது உருவச்சிலைக்கு மாலை அனிவித்து மரியாதை செலுத்தியதுடன், வீரத்தாய் குயிலியின் நினைவு தூணிற்கும் மாலை அனிவித்து மரியாதை செய்தார்.

பிரித்து மேய்ந்த கமல்ஹாசன்; புதிய அஸ்திரம் எடுத்த பாஜக!

இதன் பின்னர் சசிகலா செய்தியாளர்களை சந்தித்து கூறியதாவது:

அதிமுகவில் இணைவது நிச்சயம். அடுத்த ஆட்சி அதிமுக ஆட்சி தான். அதுவும் மக்கள் ஆட்சி தான். திமுகவின் ஓராண்டு சாதனை குறித்த கேட்கிறீர்கள். திமுகவினர் சாதனை என சொல்லிக்கொள்கிறார்கள்.

ஆனால் தமிழக மக்கள் அதுபோல் நினைக்கவில்லை. மிகுந்த கஷ்டத்தில் உள்ளனர். இந்த திமுக ஆட்சியால் எந்த பயனும் இல்லை என்கிறார்கள். அதுவே என்னுடைய பார்வையும்.

500க்கும் மேற்பட்ட வாக்குறுதிகளை கொடுத்தார்கள். ஆனால் ஒன்று கூட செய்யவில்லை. சொல்வதெல்லாம் நன்றாக சொல்கிறார்கள். ஆனால் செய்கை என்பது சரியாக இல்லை. எதுவும் செய்யவில்லை.

ஓயாமல் குடைந்து எடுக்கும் சசிகலா; ஒரு வழியாக முடிவுக்கு வந்த அதிமுக!

மேலும் பழைய ஓய்வூதிய திட்டத்திற்காக போராடும் அரசு ஊழியர்கள் குறித்து கேட்கிறீர்கள். அதை செய்ய வேண்டும் என அவர்களே தேர்தல் அறிக்கையில் கூறி இருந்தார்கள். அவர்கள் ஆட்சிக்கு வந்த பின் கண்டும் காணாததுபோல் இருப்பது எப்படி?

ப.சிதம்பரம் வீட்டில் ரெய்டு நடைபெறுவது குறித்து கருத்து தெரிவிக்க ஒன்றும் இல்லை. அம்மா இருக்கும்போது தமிழ்நாட்டு மக்களுக்கு என்ன தேவை என்பதை மத்திய அரசிடம் தீவிரமாக கேட்டு பெற்றுக்கொடுத்தார்.

அது போல் திமுக செய்ய வேண்டும். மத்திய அரசை குறை கூறுவது மட்டுமே நம்முடைய வேலை இல்லை. ஓர் ஆண்டு கடந்துவிட்டது. மக்கள் இவர்களை தான் வாக்களித்து தேர்ந்தெடுத்தார்கள்.

ரேஷன் அரிசி கிடைப்பது சிக்கல்?; ஒரு கோடி அரிசி மூட்டைகள் பாழ்!

அதை விடுத்து மத்திய அரசை குறைகூறிக் கொண்டே எத்தனை ஆண்டுகள் கடத்துவார்கள்? இவர்கள் ஆக்கப்பூர்வமாக எதாவது செய்ய வேண்டும். வெறுமென பேசிக்கொண்டு இருப்பதால் எதுவும் ஆகப்போவதில்லை.

தேர்தல் நேரத்தில், மாற்றுக்கட்சியினர் குறித்து குறை கூறி பேசலாம். ஆனால், ஆட்சிக்கு வந்தபின் முதலமைச்சர் என்கிற முறையில் மக்களுக்கு எவ்வாறு நல்லது செய்யலாம்? என்பதை மட்டுமே சிந்திக்க வேண்டும். ஆட்சி முடியும் வரையில் மத்திய அரசை குறை கூறிக்கொண்டே இருப்பார்களோ? என்னவோ தெரியவில்லை. இவ்வாறு சசிகலா கூறினார்.

அதிமுகவில் சசிகலாவுக்கு இடம் இல்லை. அதிமுகவுக்கும் சசிகலாவுக்கு சம்பந்தம் இல்லை என அதிமுக ஒருங்கிணைப்பாளர் மற்றும் இணை ஒருங்கிணைப்பாளர் ஆகியோர் அவ்வப்போது கூறி வருகின்றனர்.

ஆனால் எதை பற்றியும் கவலைப்படாமல், ‘அதிமுகவை கட்டுப்பாட்டுக்குள் கொண்டு வருவேன். அதிமுகவை வழி நடத்துவேன்’ என்பது போன்ற அறிவிப்புகளை வி.கே. சசிகலா தொடர்ந்து, கூறி வருவதால் அதிமுகவில் பெரும் குழப்பமான சூழல் நிலவி வருகிறது.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments