Wednesday, June 29, 2022
Homeதமிழக சிறப்புச் செய்திகள்whatsapp call: வாட்ஸ் அப் காலில் அவசர வழக்கு விசாரணை... ஹைடெக்காக மாறிய ஐகோர்ட்! -...

whatsapp call: வாட்ஸ் அப் காலில் அவசர வழக்கு விசாரணை… ஹைடெக்காக மாறிய ஐகோர்ட்! – madras high court hearing through whatsapp call of urgent petition to seek permission for temple chariot function in papparapatti dharmapuri

தருமபுரி மாவட்டம், பாப்பாரப்பட்டி அபிஷ்ட வரதராஜ சுவாமி கோவில் பரம்பரை அறங்காவலர் பி.ஆர்.சீனிவாசன் என்பவர் சென்னை உயர்நீதிமன்றத்தில் தாக்கல் செய்த மனுவில், கடந்த 80 ஆண்டுகளாக நடத்தப்பட்டு வரும் கோவில் தேர் திருவிழாவை நாளை (மே 16) நடத்த ஏற்பாடு செய்யப்பட்டுள்ளதாகவும், 22 அடி உயரமும், 8 அடி அகலமும் கொண்ட தேர் ஊர்வலம் வர எந்த இடையூறும் இல்லை என்றும் தெரிவித்துள்ளார்.

தேர் திருவிழாவுக்காக வருவாய் துறை, மின்சார வாரியம், உள்ளாட்சி அமைப்புகளிடம் அனுமதி பெற்றுள்ள நிலையில், தஞ்சாவூர் தேர் திருவிழா விபத்தை தொடர்ந்து, தேர் வலம் வரும் தெருக்களை ஆய்வு செய்த அறநிலைய துறை ஆய்வாளர், தேர் திருவிழாவை நிறுத்தும்படி மே 13ஆம் தேதி உத்தரவிட்டுள்ளதாகவும் மனுவில் கூறப்பட்டுள்ளது.

தேர் வலம் வரும் தெருக்களில் மின்சார கம்பிகள், தேரின் உயரத்தைவிட உச்சத்திலேயே உள்ளதாகவும், தேர் திருவிழாவை நிறுத்தினால் பக்தர்களின் மத உணர்வுகள் பாதிக்கப்படும் எனவும், பாதுகாப்பு நடவடிக்கைகள் எடுக்க தயாராக உள்ளதால், தேர் திருவிழாவை நிறுத்தும்படி பிறப்பித்த உத்தரவுக்கு தடை விதிக்க வேண்டும் எனவும் மனுவில் கோரப்பட்டுள்ளது.

தமிழ்நாடு கபடி சங்க தேர்தலுக்கு இடைக்காலத் தடை!
இந்த அவசர வழக்கை வாட்ஸ் அப் அழைப்பு மூலம் நீதிபதி ஜி.ஆர்.சுவாமிநாதன் விசாரித்தார். அப்போது அரசு தரப்பில் தேரின் உயரத்தை தொடும் அளவிற்கே மின் வழித்தடம் அமைந்துள்ளதாகவும், கால்வாய் பணிகளின் காரணமாக தெருக்களின் இருபுறமும் மணல் குவிக்கப்பட்டுள்ளதாகவும் தெரிவிக்கப்பட்டது.

மேலும் இதுபோன்ற சூழலில் தேரோட்டத்திற்கு அனுமதி வழங்கினால் விரும்பத்தகாத சம்பவங்கள் நிகழ வாய்ப்புள்ளது. அதன் காரணமாகவே முன்னெச்சரிக்கை நடவடிக்கையாக அனுமதி மறுக்கப்பட்டதாகவும் தெரிவிக்கப்பட்டது. தேர்த் திருவிழாவை அனுமதிக்கலாம் என நீதிமன்றம் கருதினால், அப்பகுதிக்குட்பட்ட மாஜிஸ்திரேட்டை ஆய்வு மேற்கொள்ளச் செய்து, அறிக்கை பெற்று முடிவெடுக்கும்படியும் அரசு தரப்பில் வலியுறுத்தப்பட்டது.

இந்தியை ஒழித்த தருமபுரி எம்.பி.. தேசிய அளவில் நிகழும் அதிரடி மாற்றம்!
இருதரப்பு வாதங்களையும் கேட்ட நீதிபதி சுவாமிநாதன், வழக்கின் மீதான தீர்ப்பை மாலை 4 மணிக்கு ஒத்திவைத்துள்ளார்.

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments